فرمان الہی
نماز کے اوقات
کراچی (اسٹاف رپورٹر)انسدادِ دہشت گردی عدالت نے پولیس مقابلہ اور اقدام قتل کے مقدمے میں سنی تحریک کے مرکز پر چھاپے کےدوران گرفتار 9ملزمان کے جسمانی ریمانڈ میں چار روز کی توسیع کردی۔سنی تحریک کے مرکز پر چھاپے کے دوران گرفتار9 ملزمان عدالت میں پیش کئے گئے۔عدالت نے ملزمان کے جسمانی ریمانڈ میں چار روز کی توسیع کردی۔تفتیشی افسر نے عدالت کو بتایا کہ ملزمان سے کچھ انکشافات ہوئے ہیں اُسکے حوالے سے تفتیش کرنی ہے، قادری ہاؤس سے گرفتار ملزمان کی پیروی کے لئے عابد زمان اور اسامہ علی ایڈووکیٹ عدالت میں پیش ہوئے۔ عابد زمان ایڈووکیٹ نے بتایا کہ جو اسلحہ برامد ہوا اُسکے لائسنس فراہم کردیے ہیں، اسلحہ کے لائسنس کی تصدیق کے لیے جسمانی تحویل ضروری نہیں ہے۔پولیس کے مطابق ملزمان بھتہ خوری کے نیٹ ورک کا حصہ ہیں ۔
