• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

رواں سال بھتہ خوروں کے خلاف کارروائیوں کی رپورٹ جاری

آج کا اخبار
شہر قائد/ شہر کی آواز
21 دسمبر ، 2025
کراچی( اسٹاف رپورٹر )اسپیشل انوسٹیگیشن یونٹ سی آئی اے نے رواں سال بھتہ خوروں کے خلاف کی جانے والی کارروائیوں کی رپورٹ جاری کردی۔ایس آئی یو کے مطابق سال 2025 میں مجموعی طور پر بھتہ خوری کی 171کیسز درج ہوئے۔ دوران تفتیش 75کیسز اصل بھتہ خوری کے ثابت ہوئے جبکہ دیگر 96کیسز لین دین، زمین پلاٹ تنازعات، ذاتی معاملات، لڑائی جھگڑے اور دیگر تنازعات کے متعلق تھے۔ پولیس کے مطابق بھتہ خوری کے اصل 75 کیسز میں سے 71 کیسز کو ٹریس کیا گیا۔ٹریس کیے جانے والے کیسز کا تناسب 95 فیصد رہا۔بھتہ خوری کے ان کیسز میں کل 128 ملزمان ملوث تھے۔ ملوث ملزمان سے 6 بھتہ خور ایس آئی یو سے مقابلوں میں ہلاک ہوئے جبکہ مقابلوں کے دوران مزید 14 ملزمان کو زخمی حالت میں گرفتار بھی کیا گیا-پولیس نے بتایا کہ سال 2025 میں بھتہ خوری میں ملوث مجموعی طور پر 91 ملزمان کو گرفتار کیا گیا-پولیس کی جانب سے بھتہ خوری میں ملوث ملزمان کے خلاف کریک ڈاؤن جاری رہے گا۔
شہر قائد/ شہر کی آواز سے مزید