• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صوفیائے کرام کی تعلیمات رواداری کی راہ دکھا رہی ہیں، احسان بھٹہ

میرا شہر
لاہور
28 دسمبر ، 2025
لاہور (خبرنگار) سیکرٹری/چیف ایڈمنسٹریٹر اوقاف پنجاب ڈاکٹر احسان بھٹہ نے کہا کہ صوفیائے کرام کی تعلیمات آج بھی معاشرے کو امن، رواداری اور روحانی روشنی کی راہ دکھا رہی ہیں انہوں نے یہ بات داتاؒ دربار میں حضرت خواجہ معین الدین چشتیؒ کے 814ویں سالانہ عرس کی تقریبات کے موقع پر کہی جو عقیدت و احترام کے ساتھ جاری ہیں۔ ڈاکٹر احسان بھٹہ کی قیادت میں حضرت خواجہ معین الدین چشتیؒ کے حجرہ اعتکاف کے غسل کی روح پرور رسم نہایت تقدس کے ساتھ ادا کی گئی، جس دوران حجرہ عتکاف کو عرقِ گلاب سے غسل دیا گیا، جبکہ ہزاروں زائرین، مشائخ، علماء، اسکالرز اور عقیدت مندوں نے شرکت کی۔ مرکزی تقریب میں ڈائریکٹر جنرل مذہبی امور شاہد حسن کلیانی اور ڈائریکٹر ایڈمنسٹریشن اوقاف محمد شاکر سندھو شریک ہوئے، جبکہ خطیب داتاؒ دربار مفتی محمد رمضان سیالوی نے ملک و ملت کی سلامتی، امن اور استحکام کے لیے خصوصی دعا کروائی۔
لاہور سے مزید