فرمان الہی
نماز کے اوقات
برطانیہ میں گزشتہ چار برس کے دوران 1500 سے زائد ڈرائیورز کو ایک سے زائد بار ریڈ ٹریفک لائٹ کو عبور کرتے ہوئے پکڑا گیا۔
اس حوالے سے سامنے آنے والے اعداد وشمار کے مطابق 11 اکتوبر کو مکمل ہونے والے چار برس میں مجموعی طور پر 1,548 ڈرائیورز نے ایک سے زائد بار ریڈ لائٹ سے گزرنے کا جرم کیا۔
پکڑے جانے والے ڈرائیورز میں سے 54 نے 3 بار، 7 نے 4 بار اور 2 نے 5 بار ریڈ ٹریفک لائٹ کی پرواہ نہیں کی، روڈ سیفٹی چیرٹی آئی ایم روڈ اسمارٹ کے مطابق بعض ڈرائیورز مسلسل دوسروں کی زندگی خطرے میں ڈال رہے ہیں۔
واضح رہے کہ بہت سے مصروف جنکشنز پر کیمرے نصب ہیں جو ریڈ لائٹ ہونے کے باوجود سفید لائن سے گزرنے والی گاڑیوں کا پتہ لگالیتے ہیں۔
عام طور پر ریڈ لائن سے گزرنے پر ایک سو پاؤنڈ جرمانہ اور لائسنس پر تین پینالٹی پوائنٹس لگائے جاتے ہیں جو چار برس تک رہتے ہیں۔
اعداد و شمار کے مطابق اسکولوں کے باہر بچوں کو سڑک عبور کرانے والے لولی پاپ میں یا ویمن کے اشارے پر نہ رکنے پر بھی 13 افراد کو سزا سنائی گئی۔
