• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنجاب کے 20 اضلاع میں گرین پراپرٹی سرٹیفکیٹ کا اجراء

میرا شہر
لاہور
04 جنوری ، 2026
لاہور(خبرنگار)منصوبہ برائے اصلاح نظام اراضی،بورڈ آف ریو نیو،حکومت پنجاب کی جانب سے صوبہ بھرمیں صارفین کو اراضی ریکارڈ میں بہتر ین خدمات کی یقینی فراہمی اور عوام کی سہولت کے لیے پبلک اور پرائیویٹ سیکٹر میں ہر طرح کی جائیداد کے لیے ، سیالکوٹ ، ملتان، ساہیوال، جہلم، راولپنڈی، اوکاڑہ، اور خوشاب سمیت پنجاب کے بیس اضلاع میں گرین پراپرٹی سرٹیفکیٹ کے اجراء کا آغاز کر دیا گیا ہے۔ مستقبل قریب میں گرین پراپرٹی سرٹیفکیٹ کا صوبے بھر میں مرحلہ وار اجراء کیا جائے گا ۔ اس گرین پراپرٹی سرٹیفکیٹ کے نفاز کا مقصد عوام کی جائیداد کی حدود اور ملکیت کا تحفظ، خریدو فروخت میں ممکنہ فراڈ اور جعلسازی کا خاتمہ ہے۔ کیونکہ یہ گرین پراپرٹی سرٹیفکیٹ پنجاب حکومت کی جانب سے تصدیق شدہ ہوگا ۔ ڈائریکٹر جنرل پنجاب لینڈ ریکارڈز اتھارٹی اکرام الحق نے واضح کیا کہ گرین پراپرٹی سرٹیفکیٹ ایک سنگ میل کی حیثیت رکھتا ہے جو وزیر اعلی پنجاب مریم نواز شریف کے وژن کے مطابق ترقی یافتہ اور خوشحال پنجاب کا ضامن ہے۔
لاہور سے مزید