• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹرانسپورٹرز ٹریفک قوانین پر سختی سے عمل کریں، شرجیل میمن

آج کا اخبار
اہم خبریں
09 جنوری ، 2026
کراچی (اسٹاف رپورٹر)سندھ کے سینئر وزیر اور صوبائی وزیر برائے اطلاعات، ٹرانسپورٹ و ما س ٹرانزٹ شرجیل انعام میمن نے تمام ٹرانسپورٹرز کو ٹریفک قوانین اور روٹ پرمٹس کی شرائط پر سختی سے عمل کرنے کی ہدایات کرتے ہوئے متنبہ کیا ہے کہ قوانین کی خلاف وزری کرنے والی گاڑیاں ضبط کرنے کے ساتھ مقدمات بھی درج کئے جائیں گے۔ تمام گاڑیوں کو مقررہ رفتار میں چلانا لازم ہوگا، اوورلوڈنگ، غلط اوورٹیکنگ، تیز رفتاری، لاپروا ڈرائیونگ اور ون وے کی خلاف ورزیوں سے اجتناب کیا جائے۔ ایک بیان میں سینئر وزیر اور وزیر برائے اطلاعات، ٹرانسپورٹ و ما س ٹرانزٹ سندھ شرجیل انعام میمن نے کہا کہنیشنل ہائی وے سیفٹی آرڈیننس 2000 کے تحت ایکسل لوڈ کی مقررہ حد پر سختی سے عمل درآمد یقینی بنایا جائے گا، بین الاضلاعی ٹرانسپورٹ اور اسکول، کالج یا تعلیمی اداروں کی گاڑیوں میں CNG، LPG یا LNG کے استعمال پر پابندی ہوگی، تمام پبلک سروس گاڑیوں میں ایمرجنسی ایگزٹ، فرسٹ ایڈ باکس اور فائر ایکسٹینگشر کی دستیابی اور فعالیت لازم قرار دی گئی ہے۔ شرجیل انعام میمن نے کہا کہ گاڑیاں صرف درست اور مؤثر دستاویزات، بشمول رجسٹریشن، فٹنس سرٹیفکیٹ اور روٹ پرمٹ کے تحت، اور صرف منظور شدہ روٹس پر ہی چلائی جائیں گی۔
اہم خبریں سے مزید