• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ میں 9 ہزار سے زائد منصوبے مکمل ہو چکے، شرجیل میمن

آج کا اخبار
اہم خبریں
11 جنوری ، 2026
کراچی ( اسٹاف رپورٹر)سندھ کے سینئر وزیر شرجیل انعام میمن نے کہا ہے کہ صوبے میں اب تک 13,000سے زائد منصوبے شروع کئے گئے، مختلف شعبوں میں 9,193منصوبے مکمل ہو چکے ہیں، 367 ارب روپے کی غیر ملکی امداد اور76ارب روپے وفاقی پی ایس ڈی پی کے تحت صحت، تعلیم، زراعت، سڑکیں، آبپاشی اور سماجی منصوبوں پر کام جاری ہے۔ ایک بیان میں انہوں نے کہا کہ سندھ حکومت کے ترقیاتی وژن کا مقصد صرف منصوبوں کا آغاز نہیں بلکہ بروقت تکمیل، معیار کی سخت پاسداری بھی یقینی بنانا ہے، محکموں کو ہدایت کی گئی کہ نئے منصوبے صرف تب شروع کئے جائیں جب موجودہ منصوبے مکمل ہوں۔ سینئر وزیر شرجیل انعام میمن نے کہا کہ کراچی میں ترقیاتی منصوبوں کی تیز رفتار تکمیل اور معیار کی پاسداری ترقیاتی وژن کا لازمی جز ہے، شہر کے ہر ترقیاتی منصوبے کا مقصد شہریوں کی زندگی بہتر بنانا اور کراچی کے بنیادی ڈھانچے کو مضبوط کرنا ہے۔
اہم خبریں سے مزید