• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جنرل ہسپتال میں 5ماہ کے بچے کی پیڈیاٹرک برونکوسکوپی کے ذریعے جان بچا لی

میرا شہر
لاہور
13 جنوری ، 2026
لاہور ( جنرل رپورٹر ) جنرل ہسپتال کے پروفیسر آف پیڈیاٹرک میڈیسن و ایم ایس ڈاکٹر فریاد حسین نے اپنی ٹیم کے ہمراہ پیڈیاٹرک انٹروینشنل برونکوسکوپی کے ذریعے 5 ماہ کے معصوم بچے کا کامیاب پروسیجر کر کے اس کی جان بچا لی۔ بچہ ایک ماہ سے پھیپھڑوں کے شدید انفیکشن اور سانس کی خرابی کے باعث زیرِ علاج تھا، مگر جراثیم کی سخت مدافعت کی وجہ سے مہنگی اینٹی بائیوٹکس بھی بے اثر ثابت ہو رہی تھیں۔ اس پیچیدہ صورتحال میں ڈاکٹر فریاد حسین نے جدید ʼڈائگنوسٹک برونکوسکوپیʼ کا سہارا لیا، جس کے بعد جراثیم کی جانچ (Culture) سے انکشاف ہوا کہ بچے کے پھیپھڑوں میں Klebsiella نامی ʼسپر بگʼ موجود ہے جس پر صرف چند مخصوص ادویات ہی اثر کر سکتی تھیں اس اہم کامیابی پر گفتگو کرتے ہوئے پرنسپل امیر الدین میڈیکل کالج پروفیسر ڈاکٹر فاروق افضل نے کہا کہ مجھے اپنی میڈیکل ٹیم پر فخر ہے، جنرل ہسپتال کے ڈاکٹر جدید ٹیکنالوجی سے مریضوں کی جانیں بچانے کا فریضہ سرانجام دے رہے ہیں اور یہی شعبہ مسیحائی کا اصل فرض ہے۔
لاہور سے مزید