فرمان الہی
نماز کے اوقات
اسلام آباد( خالد مصطفیٰ )سعودی عرب اور کویت سے تعلق رکھنے والے کے-الیکٹرک کے سرمایہ کاروں نے پاکستان کے خلاف 2 ارب ڈالر کا بین الاقوامی ثالثی کیس دائر کر دیا ہے۔مدعی کے مطابق ریگولیٹری مداخلت، سرکاری واجبات کی عدم ادائیگی اور معاہدے میں رکاوٹ سے شدید مالی نقصان ہوا ،حکومت پاکستان کو فریق بنایا گیا، کراچی کے بجلی نظام میں 4.7 ارب ڈالر سے زائد کی سرمایہ کاری کا دعویٰ۔ یہ کارروائی 16 جنوری 2026 کو او آئی سی سرمایہ کاری معاہدے اور اقوامِ متحدہ کے ثالثی قوانین (UNCITRAL) کے تحت شروع کی گئی، جس میں حکومت پاکستان کو فریق بنایا گیا ہے۔سرمایہ کاروں کا مؤقف ہے کہ ریگولیٹری مداخلت، سرکاری واجبات کی عدم ادائیگی اور کے-الیکٹرک کی 1.77 ارب ڈالر میں فروخت کے معاہدے کی طویل رکاوٹ کے باعث انہیں شدید مالی نقصان ہوا۔
