• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گل پلازہ کی عمارت ناقابل استعمال قرار

آج کا اخبار
اہم خبریں
22 جنوری ، 2026
کراچی (طاہر عزیز۔ اسٹاف رپورٹر)سندھ بلڈنگ کنٹرول اتھارٹی نے گل پلازہ کی عمارت کو ناقابل استعمال قراردیدیا جبکہ گل پلازہ سے متصل رمپا پلازہ کے متاثرہ اسٹرکچرل ستونوں پر کنکریٹ جیکٹنگ کا باقاعدہ عمل شروع کر دیا گیا ہے۔ تفصیلات کے مطابق گل پلازہ کی عمارت کو ناقابل استعمال قراردیدیا۔ ڈینجرس بلڈنگ کمیٹی چار روز سے حادثے کے مقام پر موجود ہے اور متاثرہ عمارت کے مختلف حصوں کا معائنہ کر رہی ہے۔ اپنی فائنل رپورٹ جمعرات کو جمع کرادیگی۔ جس سے آگ لگنے کی وجوہات سمیت اسٹرکچر کو کتنا نقصان پہنچا سب تفصیلات سامنے آجائیں گی۔ تاہم ذرائع کے مطابق ڈینجرنس بلڈنگ کمیٹی کی ابتدائی فائنڈنگ میں پلاز ہ کی عمارت کو آئندہ کیلئے ناقابل استعمال قرار دے دیا گیا ہے۔ آتشزدگی کے بعد سندھ بلڈنگ کنٹرول اتھارٹی نے ساتھ میں واقع رمپا پلازا کے نقصان زدہ حصوں کے استعمال پر فوری مکمل پابندی عائد کر دی گئی ہے۔ ایس بی سی اے نے متاثرہ ستونوں کی مضبوطی کیلئے کنکریٹ جیکٹنگ کا تکنیکی عمل مستند اسٹرکچرل انجینئر کی نگرانی میں شروع کر دیاہے اور کہا ہے کہ عمارت صرف مکمل سیفٹی کلیئرنس کے بعد دوبارہ استعمال ہو سکے گی۔
اہم خبریں سے مزید