فرمان الہی
نماز کے اوقات
اسلام آباد (خبر نگار) سینئر سول جج عباس شاہ نے ریاستی اداروں پر گمراہ کن الزامات اور ساکھ متاثر کرنے کے مقدمہ میں وزیر اعلیٰ خیبرپختونخوا سہیل آفریدی کے ناقابل ضمانت وارنٹ گرفتاری جاری کر دئیے۔ عدالت نے آئندہ سماعت پر سہیل آفریدی کو گرفتار کر کے پیش کرنے کا حکم دیا ہے۔ گزشتہ روز سینئر سول جج عباس شاہ نے سہیل آفریدی کے خلاف درج مقدمہ کی سماعت کی تو سہیل آفریدی عدالت میں پیش نہیں ہوئے جس پر عدالت نے سہیل آفریدی کے ناقابل ضمانت وارنٹ گرفتاری جاری کر کے انہیں گرفتار کر کے 10 فروری کو عدالت میں پیش کرنے کا حکم جاری کر دیا۔ واضح رہے کہ سہیل آفریدی کے خلاف پیکا ایکٹ کے تحت این سی سی آئی اے نے مقدمہ درج کر رکھا ہے۔
