• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان میں مچھلی کا استعمال محدود؛ سندھ میں باقاعدہ استعمال کا رجحان برقرار

آج کا اخبار
اہم خبریں
30 جنوری ، 2026
اسلام آباد (قاسم عباسی) پاکستان میں زیادہ تر علاقوں میں مچھلی کا استعمال محدود ہی رہتا ہے، جبکہ سندھ واحد صوبہ ہے جہاں مچھلی باقاعدگی سے کھائی جاتی ہے۔ یہ بات ہاؤس ہولڈ انٹیگریٹڈ اکنامک سروے2024-25پر مبنی نئی تحقیق میں سامنے آئی ہے۔ سروے کے اعداد و شمار سے ظاہر ہوتا ہے کہ اوسطاً پاکستانی گھرانوں میں مچھلی شاذ و نادر ہی خریدی جاتی ہے۔ تاہم سندھ ایک واضح استثنا ہے، جہاں 39 فیصد گھرانوں نے ہر دو ہفتے میں کم از کم ایک بار مچھلی خریدنے کی اطلاع دی۔ اس کے برعکس، دیگر تمام صوبوں اور خطوں میں مچھلی کے استعمال کی شرح نمایاں طور پر کم ریکارڈ کی گئی۔ نتائج سے ظاہر ہوتا ہے کہ پاکستان کی اکثریت کے لیے مچھلی خوراک کا باقاعدہ حصہ نہیں ہے۔ حتیٰ کہ دو ہفتوں کی بنیاد پر بھی ملک بھر کے بیشتر گھرانے مچھلی نہیں خریدتے، جو قومی غذائی عادات میں اس کے محدود اور ثانوی کردار کو نمایاں کرتا ہے۔ ماہرین سندھ میں مچھلی کے زیادہ استعمال کی وجہ جغرافیائی اور ثقافتی عوامل کو قرار دیتے ہیں، جن میں سمندر سے قربت اور ساحلی طرزِ زندگی سے جڑی دیرینہ پکوانی روایات شامل ہیں۔
اہم خبریں سے مزید