فرمان الہی
نماز کے اوقات
بھارت کے علاقے اڈیشا میں شدید جُوئیں کے انفیکشن کی وجہ سے ایک چھٹی جماعت کی طالبہ کی موت ہوگئی۔
خاندان کے مطابق لکشمی پریا کئی ماہ سے شدید جُوئیں کے انفیکشن کا شکار تھی، متعدد علاج کے باوجود اس کی حالت بہتر نہیں ہوئی، والدہ نے حفاظتی اقدام کے طور پر بچی کے سر کے بال کاٹنے کا کہا لیکن بچی نے اس پر رضامندی ظاہر نہیں کی۔
وقت کے ساتھ انفیکشن بڑھ گیا اور اس کا اثر شدید طور پر اس کے سر پر پڑنے لگا۔
خاندان کے مطابق بچی باہر جانے سے گریز کرنے لگی کیونکہ سر سے بدبو آ رہی تھی، وہ اپنے بال ڈھانپ کر رکھتی رہی، جس کی وجہ سے خاندان کو انفیکشن کی شدت کا علم نہ ہو سکا۔
رپورٹس کے مطابق بچی کو موت سے 3 دن قبل خون کی قے ہونے لگی، شدید بیمار ہونے پر خاندان نے اسے اسپتال منتقل کیا، جہاں علاج کے باوجود وہ جان سے چلی گئی۔
بچی کی والدہ کا کہنا ہے کہ انفیکشن کے بعد اس نے اپنا سر ڈھانپ کر رکھا اور ہمیں نہیں دکھایا۔
