فرمان الہی
نماز کے اوقات
بارسلونا( نیوز ڈیسک)36فیصد یورپی شہریوں نے امریکا کو چین سے بڑا خطرہ قرار دیدیا،تفصیلات کے مطابق پولیٹیکو یورپین پلس(Politico European Pulse) کے سروے کے مطابق یورپی یونین کے شہریوں کی ایک بڑی تعداد (36 فیصد) نے امریکہ کو چین (29 فیصد) سے زیادہ بڑا خطرہ قرار دیا ہے۔یورپی ممالک (اسپین، جرمنی، فرانس، اٹلی، پولینڈ اور بیلجیم) میں ہونے والے سروے میں 36 فیصد شرکاء نے امریکہ کو خطرہ قرار دیا، جب کہ چین کو 29 فیصد نے خطرہ سمجھا۔سروے کے مطابق صرف 12 فیصد یورپی شہریوں نے امریکہ کو ایک قریبی اتحادی کے طور پر دیکھا۔ اسپین (51 فیصد) اور اٹلی (46 فیصد) میں امریکہ کو خطرہ سمجھنے والوں کی شرح سب سے زیادہ رہی جبکہ پولینڈ واحد ملک تھا جہاں امریکہ کو خطرہ سمجھنے والوں کی تعداد کم (13 فیصد) تھی۔اس رجحان کی وجہ ڈونلڈ ٹرمپ کی دوبارہ صدارت (جنوری 2025 سے) کے بعد نیٹو (NATO) سے متعلق بیانات، یورپی مصنوعات پر محصولات (Tariffs) اور خارجہ پالیسی میں اختلافات کو قرار دیا گیا ہے۔تاہم 70 فیصد یورپیوں نے روس کو اب بھی سب سے بڑا سکیورٹی خطرہ قرار دیا ہے۔ یہ سروے Cluster17 نے پولیٹیکو کیلئے 13 سے 21 مارچ 2026 کے درمیان کیا۔
