• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اپر چترال میں 50 خواتین کی ڈریس ڈیزائننگ میں تربیت

میرا شہر
پشاور
28 اپریل ، 2026
پشاور (خصوصی نامہ نگار) اپر چترال کے دور افتادہ علاقے میں تقریباً 50 خواتین کو ڈریس ڈیزائننگ اور ڈیجیٹل مہارتوں کی تربیت فراہم کی گئی، جس کے ذریعے وہ آمدنی کے مواقع حاصل کرنے اور اپنی مصنوعات کو عالمی مارکیٹ میں متعارف کرانے کے قابل بن سکیں گی۔ ایک پریس ریلیز کے مطابق یہ تربیتی پروگرام پاکستان غربت مٹاؤ پروگرام (پی پی اے ایف) اور پی ٹی سی ایل کے اشتراک سے منعقد کیا گیا۔ "بااختیار ویمن پروجیکٹ" کے تحت پی پی اے ایف نے اپر چترال کے علاقے بونی میں مستحق خواتین تک رسائی حاصل کی، جس میں حرجا ویلیج سپورٹ پروگرام نے تعاون کیا، جبکہ انسٹیٹیوٹ آف رورل مینجمنٹ (آئی آر ایم) خواتین کی تربیت میں تکنیکی معاونت فراہم کر رہا ہے۔ اس منصوبے کا مقصد خواتین کو پیشہ ورانہ مہارتوں سے لیس کرنا ہے ۔
پشاور سے مزید