فرمان الہی
نماز کے اوقات
اسلام آباد(عاطف شیرازی )وفاقی حکومت نے آئندہ مالی سال کے بجٹ میں برآمدات کے فروغ کے لیے اہم فیصلوں کی تیاری کرلی ہے، جس کے تحت برآمد کنندگان کو مؤثر اور ٹارگٹڈ سہولیات فراہم کرنے اور کارکردگی پر مبنی مراعات متعارف کرانے کی تجویز زیر غور ہے۔وفاقی وزیر برائے اقتصادی امور احد خان چیمہ کی زیر صدارت اجلاس میں برآمدات کے فروغ متعلق مختلف اسکیموں اور مجوزہ اقدامات کا تفصیلی جائزہ لیا گیا۔ اعلامیے کے مطابق حکومت برآمدات میں اضافے کے لیے کارکردگی پر مبنی مراعات متعارف کرانے پر غور کر رہی ہے جبکہ چھوٹے اور درمیانے درجے کے کاروباروں کو عالمی منڈیوں تک رسائی دینے کے لیے خصوصی اقدامات کا بھی جائزہ لیا گیا۔ احد چیمہ نے اجلاس سے خطاب کرتے ہوئے کہا کہ حکومت آئندہ بجٹ میں برآمد کنندگان کو مؤثر اور ہدفی سہولیات فراہم کرنے کے لیے پرعزم ہے،اس سلسلے میں صرف ٹیکسوں میں کمی کافی نہیں بلکہ انفراسٹرکچر، لاجسٹکس اور دیگر معاون عوامل پر بھی توجہ دینا ہوگی۔
