فرمان الہی
نماز کے اوقات
نو عمر لڑکی کے ساتھ جنسی زیادتی کے سنگین مقدمے میں عدالت نے ہیلیفیکس سے تعلق رکھنے والے 6 افراد کو مجموعی طور پر 49 سال قید کی سزا سنا دی۔
متاثرہ لڑکی ان جرائم کے باعث زندگی بھر کے نفسیاتی صدمات کا شکار ہو گئی۔
بریڈ فورڈ کراؤن کورٹ میں مقدمے کی سماعت کے دوران عدالت کو بتایا گیا کہ یہ جرائم 2006ء سے 2009ء کے درمیان کالڈرڈیل کے علاقے میں کیے گئے، جب متاثرہ لڑکی کی عمر صرف 13 سال تھی، ملزمان کو متعدد جنسی جرائم، جن میں زیادتی بھی شامل ہے، میں قصوروار قرار دیا گیا۔
پولیس کے مطابق متاثرہ خاتون نے 2019ء میں سامنے آ کر اپنے ساتھ ہونے والی زیادتی سے متعلق بیان دیا، جس کے بعد مکمل تحقیقات کا آغاز کیا گیا، تحقیقات کے نتیجے میں ملزمان کو گرفتار کر کے ان پر فردِ جرم عائد کی گئی۔
عدالت میں پڑھ کر سنائے گئے اپنے بیان میں متاثرہ خاتون نے کہا کہ ’اس زیادتی نے میرا احساسِ تحفظ اور اعتماد چھین لیا، اس نے میری زندگی کے ہر پہلو کو متاثر کیا، جن میں میرے تعلقات، خاندان، تعلیم، ملازمت، جسمانی، ذہنی صحت اور خود اعتمادی شامل ہیں۔‘
تفتیشی افسران نے متاثرہ خاتون کی بہادری کو سراہتے ہوئے کہا کہ ان کے سامنے آنے سے انصاف کی فراہمی ممکن ہو سکی۔
