• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تمام ہسپتالوں میں سیفٹی کو یقینی بنایا جارہا ہے، کمشنر نعمان یوسف

میرا شہر
لاہور
11 ستمبر ، 2026
لاہور( خصوصی رپورٹر )کمشنر لاہور ڈویژن نعمان یوسف نے ڈی سی لاہور کیپٹن ر علی اعجاز کے ہمراہ لاہور جنرل ہسپتال کا دورہ کیا۔ کمشنر لاہور نے ہسپتال کے مختلف شعبہ جات کے باہر فائر ہائیڈرینٹس کا جائزہ لیا۔ انہوں نے ہسپتال وارڈز اور کاریڈورز میں آگ بجھانے والے آلات کی تنصیب و فعالیت کو چیک کیا۔ اس موقع پر جنرل ہسپتال میں ریسکیو 1122 اور ہسپتال انتظامیہ نے ایمرجنسی کی صورت میں ہنگامی اخراج مارک ایکسرسائز کا مظاہرہ کیا۔ ریسکیو 1122 اور ہسپتال انتظامیہ نے نرسری وارڈ سے ڈمی بچوں کو ہنگامی صورتحال میں ہسپتال سے باہر لانے کا عملی مظاہرہ پیش کیا۔ اس موقع پر گفتگو کرتے ہوئے کمشنر لاہور نعمان یوسف نے کہا ہے کہ حکومت پنجاب کی ہدایات پر ٹی ایچ کیو، ڈی ایچ کیوز اور و ٹیچنگ ہسپتالوں میں سیفٹی کو یقینی بنایا جارہا ہے۔
لاہور سے مزید