• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی دارالحکومت میں نئے فائیو اسٹار ہوٹل کی تعمیر کا اعلان، وزیراعظم شہباز سنگ بنیاد رکھیں گے

آج کا اخبار
ملک بھر سے
27 ستمبر ، 2026
نیویارک (محمد صالح ظافر، خصوصی تجزیہ نگار) وزیراعظم شہباز شریف نے اقوام متحدہ کے اجلاس میں شرکت کے آخری دن پاکستان سے تعلق رکھنے والی کاروباری شخصیات کو باور کرایا ہے کہ حکومت ملک میں ان کی سرمایہ کاری کو مکمل تحفظ فراہم کرے گی اور انہیں مطلوبہ سہولتیں فراخدلی سے مہیا کی جائیں گی۔ پوٹھوہار سے تعلق رکھنے والے سرمایہ کار ملک غلام عباس اور راجہ رزاق نے وزیراعظم کو اس موقع پر بتایا کہ وہ کم و بیش ایک ارب روپے کی سرمایہ کاری سے اسلام آباد میں شاندار فائیواسٹار ہوٹل تعمیر کرنے کے لئے آمادہ ہیں جسے سوا دو سال میں مکمل کر لیا جائے گا۔ انہوں نے بتایا کہ یہ اسٹیٹ آف دی آرٹ ہوٹل ہو گا جس سے پاکستان کے وفاقی دارالحکومت کی عظمت میں اضافہ ہو گا۔ وزیراعظم شہبازشریف نے ملک غلام عباس اور راجہ رزاق کی استدعا منظور کرتے ہوئے ہوٹل کا سنگ بنیاد رکھنے کی دعوت منظور کر لی۔
ملک بھر سے سے مزید