• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایڈیشنل آئی جی کی سربراہی میں محکمانہ پروموشن کمیٹی کا اجلاس آج دوبارہ ہوگا

میرا شہر
لاہور
19 اکتوبر ، 2026
لاہور(کر ائم رپو رٹرسے)پنجاب پولیس کے سب انسپکٹرز کی ترقی کے منتظر افسران کے کیسز پر مزید غور کے لیے محکمانہ پروموشن کمیٹی کا اجلاس 19 اکتوبر کو دوبارہ ہوگا۔ایڈیشنل آئی جی کی سربراہی میں ہونے والے اجلاس میں سیریل نمبر 301 سے آگے کے افسران کے کیسز زیر غور آئیں گے مراسلے کے مطابق اس سے قبل 300 سب انسپکٹرز کے کیسز پر غور کیا جا چکا ہے، جس کے بعد باقی افسران کی ترقی کے عمل کو آگے بڑھانے کا فیصلہ کیا گیا ہے۔اجلاس پنجاب پولیس کے سینٹرل پولیس آفس لاہور میں ہوگا، جس میں قائم مقام انسپکٹر کے عہدے پر ترقی دینے کے معاملات کا جائزہ لیا جائیگا۔مراسلے کے مطابق، اجلاس میں ڈی آئی جی اسٹیبلشمنٹ ٹو، ڈی آئی جی ہیڈکوارٹرز، اے آئی جی ڈسپلن اور دیگر متعلقہ افسران شریک ہوں گے، جبکہ اے آئی جی لیگل بھی محکمانہ پروموشن کمیٹی کے رکن کی حیثیت سے شرکت کریں گے۔
لاہور سے مزید