ڈیم کی تعمیر: فنڈ‎ ریزنگ تقریب جمعہ کو ڈیلس میں ہوگی

11 فروری ، 2019

ڈیم کی تعمیر:فنڈ‎ ریٹرننگ تقریب جمعہ کو ڈیلس میں ہوگی

پاکستان میں ڈیم کی تعمیر کے لئے فنڈ‎ ریٹرننگ ڈنر کی تقریب ڈیلس میں جمعہ 8 مارچ کی شام 6 بجے منعقد کی جائے گی ، جس میں پاکستان کے سابق چیف جسٹس ثاقب نثار خصوصی طور پر شریک ہونگے جبکہ پروگرام کی نظامت کے فرائض معروف شخصیت نعیم بخاری انجام دینگے۔

ڈیلس ہونے والے مذکورہ ایونٹ کے آرگنائزر فیصل ملک نے جنگ سے خصوصی گفتگو کرتے ہوئے کہا کہ پروگرام شام 6 بجے میریٹ ہوٹل لیگیسی ٹائون سینٹر 7121 بش اپ روڈ پلانو میں منعقد کیا جائے گا۔

تقریب کےآغاز میں مہمانوں کے ہمراہ ڈیلس فورٹ کمیونٹی اور آنے والے افراد کے درمیان غیر رسمی نشست کا پروگرام ترتیب دیا گیا ہے، بعدازاں تقریب سے سابق چیف جسٹس ثاقب نثار خصوصی خطاب کریں گے۔

انہوں نے کہا کہ فنڈ ریزنگ ڈنر کی اس تقریب میں داخلہ 100 ڈالر فی ٹیبل مقرر کی گئی ہے جبکہ آنے والے افراد سے عطیات بھی جمع کئے جائیں گے ۔پروگرام کے آرگنائزرفیصل ملک نے کہا کہ اس ڈنر میں دلچسپی رکھنے والے کمیونٹی کے افراد ان سے فون نمبر 0883_783-214 یا راشد احمد سے 1972-666-408 اور نعمان خان سے فون 0883-783-214 پر رابطہ کرکے مزید معلومات حاصل کرسکتے ہیں۔

فیصل ملک کا کہنا ہے کہ یہ فنڈ ریزنگ ڈنر سیاسی وابستگیوں سے بالاتر اور صرف پاکستان کے لیے ہے ۔ جسمیں ہر مکتبہ فکر اور تمام سیاسی پارٹیوں سے وابستہ افراد کو آنے کی کھلی دعوت ہے تاکہ تمام افراد پاکستان کیلئےاس فلاحی مقصد میں شامل ہوسکیں اور اپنا حصہ ملاسکیں۔

تازہ ترین