آپ آف لائن ہیں
جمعہ18؍ذیقعد 1441ھ 10؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

چین کے پیش کردہ بل کیخلاف ہانگ کانگ میں مظاہرے

سلامتی کے حوالے سے چین کی جانب سے پیش کردہ ایک اور متنازع بل پر ہانگ کانگ میں پھر وسیع تر احتجاجی مظاہرے پھوٹ پڑے۔

مظاہرین ہانگ کانگ کے علاقے Causeway Bay کی سڑک پر بڑی تعداد میں جمع ہوئے اور متنازع سیکورٹی قانون کیخلاف احتجاج کیا۔

مظاہرین کو منتشر کرنے کیلئے پولیس نے آنسوگیس کی شیلنگ، واٹر کینن کا استعمال اور مرچوں کے اسپرے کئے۔

مظاہرے میں شریک افراد نے ہانگ کانگ کی آزادی کے حق میں بھی نعرے لگائے۔

علاوہ ازیں چین کے وزیرخارجہ وانگ یی نے کہا ہے کہ امریکا چین کو ایک ’نئی سرد جنگ کے دہانے‘ پر دھکیل رہا ہے۔

واضح رہے کہ امریکا اور چین کے درمیان کورونا وائرس اور ہانگ کانگ کے تشخص سمیت متعدد امور پر کشیدگی مسلسل بڑھتی جا رہی ہے۔

بین الاقوامی خبریں سے مزید