فرمان الہی
نماز کے اوقات
ہائیکورٹ کے سابق جج رواں ماہ 30 ستمبر کو پاکستانی کرکٹ ٹیم کے سابق کھلاڑی سلیم ملک کی اپیل پر سماعت کریں گے۔
ہائیکورٹ کے سابق جج جسٹس ریٹائرڈ فضلِ میراں چوہان بطور انڈیپینڈنٹ ایڈجیوڈیکٹر 30 ستمبر بروز بدھ کو سہ پہر 3 بجے نیشنل ہائی پرفارمنس سینٹر لاہور میں سلیم ملک کی اپیل پر سماعت کریں گے۔
سابق پاکستانی کرکٹر سلیم ملک نے انٹرنیشنل کرکٹ کونسل کی جانب سے فراہم کی گئی اپریل 2000ءکی ایک گفتگو کے ٹرانسکرپٹ سے متعلق معاملے پر اپیل دائر کر رکھی ہے۔
اس حوالے سے کیس کے دونوں فریقین کو سماعت کی تاریخ اور مقام کے حوالے سے نوٹسز جاری کر دیئے گئے ہیں۔
انڈیپینڈنٹ ایڈجوڈیکٹر کی جانب سے فیصلہ سنانے تک پاکستان کرکٹ بورڈ (پی سی بی) اس معاملے پر مزید کوئی تبصرہ نہیں کرے گا۔
