آواران میں سیکیورٹی فورسز کا آپریشن، 4 دہشت گرد ہلاک

19 ستمبر ، 2020

سیکیورٹی فورسز نے بلوچستان کے ضلع آواران میں خفیہ اطلاعات پر آپریشن کیا ہے جس کے دوران 4 دہشت گرد ہلاک ہوئے ہیں۔

پاک فوج کے شعبۂ تعلقاتِ عامہ (آئی ایس پی آر) کے مطابق آپریشن کے دوران فائرنگ کے تبادلے کے بعد 4 دہشت گرد ہلاک ہو گئے۔

آئی ایس پی آر کا کہنا ہے کہ آپریشن کے دوران دہشت گردوں کا خفیہ ٹھکانہ، لاجسٹک بیس سمیت تباہ کر دیا گیا ہے۔

آپریشن کے دوران سیکیورٹی فورسز نے اسلحے کا بڑا ذخیرہ اور مواصلاتی آلات بھی برآمد کر لئے ہیں، جبکہ دہشت گردوں کے کئی خفیہ ٹھکانے اور انتظامی کیمپ تباہ کر دیئے گئے۔

یہ بھی پڑھیے

آئی ایس پی آر کا یہ بھی کہنا ہے کہ سیکیورٹی فورسز نے دہشت گردوں کی موجودگی کی اطلاع پر یہ آپریشن کیا ہے۔

تازہ ترین