فیصل آباد ائیر پورٹ کے قریب کھیتوں سے 340 کلو سے زائد وزن کا تاریخی بم برآمد ہوا ہے۔
ڈسٹرکٹ آفیسر سول ڈیفنس رانا عباس کے فیصل آباد ائیر پورٹ کے قریبی کھیتوں سے برآمد ہونے والے بم کا وزن ساڑھے 700 پاؤنڈ (یعنی 340 کلو) کے قریب ہے۔
رانا عباس نے اس حوالے سے مزید کہا کہ بم کھیتوں میں کھدائی کے دوران مقامی افراد کو ملا ہے۔
ڈسٹرکٹ آفیسر سول ڈیفنس نے بم کو تاریخی قرار دیتے ہوئے بتایا کہ بم 65 یا 71 کی جنگ کے دوران کھیتوں میں گرا تھا لیکن پھٹا نہیں۔