فلک شبیر سُسر کے انتقال پر شدید افسردہ

شوبز انڈسٹری کی خوبرو اداکارہ سارہ خان کے شوہر اور معروف گلوکار فلک شبیر نے اپنے سُسر کے انتقال پر شدید افسردگی کا اظہار کیا ہے۔

اس ضمن میں فلک شبیر نے اپنے تصدیق شدہ انسٹاگرام اکاؤنٹ پر اسٹوری میں خصوصی پیغام جاری کیا ہے۔

فلک شبیر نے اپنی انسٹا اسٹوری میں کہا کہ ’مجھے یہ کہتے ہوئے شدید دُکھ اور افسردگی کا احساس ہورہا ہے کہ میرے پیارے سُسر جی اب اِس دُنیا میں نہیں رہے۔‘

گلوکار نے کہا کہ ’بابا سارہ خان،میرے لیے اور ہماری فیملی کے لیے اللّہ تعالیٰ کی ایک بہت بڑی نعمت تھے۔‘

اُنہوں نے کہا کہ ’میری دُعا ہے اللّہ تعالیٰ بابا کی مغفرت فرمائے اور اُنہیں جنت الفردوس میں اعلیٰ مقام عطا کرے آمین۔‘

سارہ خان کے والد انتقال کرگئے

پاکستان شوبز انڈسٹری کی معروف اداکارہ سارہ خان کے والدہ انتقال کرگئے۔

آخر میں فلک شبیر اپنے تمام دوستوں اور مداحوں سے بھی سارہ خان کے والد کی مغفرت کے لیے دُعاؤں کی اپیل کی۔

واضح رہے کہ سارہ خان کے والد دو روز قبل یعنی جمعے کی رات انتقال کرگئے تھے۔

سارہ خان کے والد کے انتقال کی اطلاع معروف فوٹوگرافر عبدالصمد ضیاء نے اپنی انسٹاگرام پوسٹ کے ذریعے دی تھی۔

عبدالصمد ضیاء نے انسٹاگرام پر تصویر شیئر کرتے ہوئے بتایا تھا کہ ’سارہ خان کے والد انتقال کرگئے۔‘

فلک کا سارہ کے والد کیلئے محبت بھرا پیغام

نامور گلوکار فلک شبیر نے اپنی اہلیہ و اداکارہ سارہ خان کے والد کے لیے محبت بھرا پیغام جاری کیا ہے۔

خیال رہے کہ رواں سال 17 جولائی کو اداکارہ سارہ خان اور نامور گلوکار فلک شبیر رشتۂ ازدواج میں منسلک ہوئے تھے اور سوشل میڈیا صارفین کی جانب سے شوبز انڈسٹری کی اس جوڑی کو 2020ء کی بہترین جوڑی قرار دیا گیا تھا۔