• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، جمعے اور اتوار کو کاروباری مراکز بند رہیں گے

تازہ ترین
تجارتی خبریں
09 اپریل ، 2021


عالمی وبا کورونا وائرس سے بچاؤ اور پھیلاؤ روکنے سے متعلق سرکاری احکامات اور کورونا وائرس ایس او پیز پر سختی سے عمل درآمد کرانا شروع کر دیا گیا ہے۔

 محکمہ داخلہ سندھ کے مطابق شہر قائد کراچی سمیت سندھ بھر  کی مصروف مارکیٹیں تجارتی اور کاروباری مراکز  جمعے اور اتوار کو بند رہیں گے۔

 محکمہ داخلہ سندھ کی جانب سے صوبے بھر میں ہفتے میں دو دن بازار بند کرنے کا نوٹیفکیشن جاری کر دیا گیا ہے۔

پاکستان: کورونا وائرس سے مزید 105 اموات

نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 5 ہزار 312 کیسز سامنے آئے ہیں، مزید 105 افراد اس موذی وباء کے سامنے زندگی کی بازی ہار گئے، اس بیماری سے 2 ہزار 390 مریض شفایاب ہو گئے، جبکہ مثبت کیسز آنے کی شرح 9 اعشاریہ 66 فیصد ہو گئی۔

 محکمہ داخلہ سندھ کے مطابق جنرل اسٹورز، بیکری، گوشت، پھل اور سبزیوں کی دکانیں صبح 6 سے رات 8 تک کھلی رہیں گی۔

سندھ حکومت کے فیصلے اور ہفتے میں دو سیف ڈیز کی ایس او پیز کے تحت حیدرآباد میں تمام چھوٹے بڑے تجارتی و کاروباری مراکز بند بھی بند کر دیئے گئے ہیں۔

حیدرآباد میں صدر بازار، ریشم بازار، شاہی بازار، بوہری بازار سمیت تمام بازار بند ہیں جبکہ میڈیکل اسٹور، اشیائے خورونوش، دودھ ڈیری اور بیکری آئٹم کی دکانیں کھلی ہیں۔

تازہ ترین