کنول آفتاب کے شوہر ذوالقرنین سکندر نے سنگِ میل عبور کرلیا

پاکستان کی دوسری ٹاپ ٹک ٹاک اسٹار کنول آفتاب کے شوہر ذوالقرنین سکندر بڑا اعزاز اپنے نام کرنے میں کامیاب ہوگئے ہیں۔

پاکستان کے شہر لاہور سے تعلق رکھنے والے اسٹار ذوالقرنین سکندر کے مختصر ویڈیو شیئرنگ ایپ ٹک ٹاک پر فالوورز کی تعداد 12 ملین ہوگئی ہے۔

ٹک ٹاک پر 12 ملین فالوورز مکمل ہونے کا اعزاز حاصل کرنے کے ساتھ ہی ذوالقرنین سکندر پاکستانی لڑکوں کی فہرست میں پہلے ٹک ٹاکر بن گئے ہیں جنہیں ٹک ٹاک پر 12 ملین صارفین نے فالو کیا ہوا ہے۔

10ملین فالوورز رکھنے والے پہلے پاکستانی ٹک ٹاک ہیرو کون؟

ذوالقرنین سکندر ویڈیو شیئرنگ ایپلیکیشن ٹک ٹاک پر ایک کروڑ فالوورز رکھنے والے پہلے پاکستانی ٹک ٹاک ہیرو بن گئے۔

شوہر کی کامیابی پر کنول آفتاب نے اپنی انسٹاگرام اسٹوری میں ذوالقرنین سکندر کے ٹک ٹاک اکاؤنٹ کا اسکرین شاٹ شیئر کیا۔

کنول آفتاب نے اپنے شوہر کو مبارکباد دیتے ہوئے کہا کہ ’اللّہ تعالیٰ آپ کو مزید کامیابیوں سے نوازے، آمین۔‘

ذوالقرنین سکندر کے ٹک ٹاک اکاؤنٹ کا جائزہ لیں تو اُنہوں نے اب تک متعدد ویڈیوز اپ لوڈ کی ہیں جن پر کروڑوں میں لائکس آئے ہیں۔

ٹک ٹاک اسٹار ذوالقرنین سکندر اہلیہ کو کیسے مناتے ہیں؟

حال ہی میں ٹک ٹاک کی دوسری ٹاپ ماڈل کنول آفتاب کے ساتھ رشتۂ ازدواج میں منسلک ہونے والے ٹک ٹاک اسٹار ذوالقرنین سکندر نے اہلیہ کو منانے کا راز مداحوں کو بتادیا۔

واضح رہے کہ لاہور سے تعلق رکھنے والے ذوالقرنین سکندر ناصرف ایک ٹک ٹاک اسٹار ہیں بلکہ کچھ ماہ قبل اُن کا پہلا ڈرامہ بھی آیا تھا جو ایک نجی ٹی وی چینل پر نشر کیا جارہا ہے۔

ٹک ٹاک اسٹار کنول آفتاب اور ذوالقرنین سکندر کی شادی کی تقریبات کا آغاز

جنت مرزا کے بعد پاکستان کی دوسری ٹاپ ٹک ٹاک اسٹار کنول آفتاب اور ذوالقرنین سکندر کی شادی کی تقریبات کا آغاز ہوگیا ہے۔

دوسری جانب رواں ماہ ہی کنول آفتاب اور ذوالقرنین سکندر نے نکاح کیا ہے، سوشل میڈیا پر ٹک ٹاک کی دُنیا کی اس جوڑی کو خوب پسند کیا جاتا ہے۔