اسلام آباد( نیوز رپورٹر) وفاقی سیکرٹری کابینہ ڈویژن سردار احمد نواز سکھیرا 38سال کی پبلک سروس کے بعد منگل کو ملازمت سے ر یٹائر ہوگئے ۔ وہ پا کستان ایڈ منسٹر یٹو سروس کے گریڈ22 کے افسر ہیں اور گزشتہ 3 سال سے بطور سیکرٹری کابینہ ڈویژن تعینات تھے۔ وہ اس وقت سینئر ترین وفاقی سیکرٹری تھے جنہوں نے 23مختلف حکومتوں میں خدمات سر انجام دیں ۔ احمد نواز سکھیرا گزشتہ 9 سال سے مختلف وزارتوں میں سیکر ٹر ی تعینات تھے جن میں تجارت ‘ ٹیکسٹائل ‘ سر مایہ کا ری بورڈ ‘ اطلاعات و نشریات ‘ تعلیم اور نج کاری شامل ہیں۔ احمد نواز سکھیرا کو ہلالِ پاکستان کا قومی اعزاز دیا گیا۔ انہیں حال ہی میں نگران وزیرِ اعلٰی پنجاب کیلئے نامز د بھی کیا گیا تھا۔