کیا تصویر لے رہی ہیں؟ دوران سماعت موبائل کی لائٹ جلنے پر چیف جسٹس خاتون پر برہم

June 25, 2024

اسلام آباد (این این آئی)کیا تصویر لے رہی ہیں؟ دوران سماعت موبائل فون کی لائٹ جلنے پر چیف جسٹس خاتون پر برہم ہوگئے۔سپریم کورٹ میں سنی اتحاد کونسل کی مخصوص نشستوں سے متعلق کیس کی سماعت کے دوران خاتون کے فون سے ہری لائٹ جلنے پر چیف جسٹس قاضی فائز عیسیٰ نے نوٹس لے لیا۔ عدالتی کمرے میں سنی اتحاد کونسل کے وکیل سلمان اکرم راجا کے دلائل کے دوران جب ایک خاتون کے فون سے ہری لائٹ جلی تو چیف جسٹس نے قاضی فائز عیسیٰ نے سوال کیا کہ یہ پیچھے سے کون تصویر لے رہا تھا؟ یہ خاتون بیٹھی ہیں، کیا گرین چیز سے پکچر لے رہی ہیں؟۔ میڈیا رپورٹ کے مطابق چیف جسٹس نے خاتون سے کہا کھڑی ہو جائیں! آپکے ہاتھ میں کیا چیز ہے ؟ انہوں نے کہا کہ ان (خاتون)کے فون میں دیکھیے کیا کر رہی ہیں اور ہری لائٹ کیا تھی جو دیکھنے میں آئی؟