فرمان الہی
نماز کے اوقات
کراچی(ٹی وی رپورٹ)کوئٹہ سمیت بلوچستان کے مختلف علاقوں ميں برف باری اور بارش ۔ زیارت، خانو زئی، مسلم باغ، کان مہتر زئی، کوژک ٹاپ اور ہنہ اوڑک میں برف باری ، کوئٹہ اور گردونواح میں بارش کے بعد مختلف علاقوں میں 17 فیڈرز ٹرپ کرگئے ، مختلف سیاحتی مقامات اور کوئٹہ زیارت شاہراہ پر بھی برف باری ۔ رابطہ سڑکوں پر آمدورفت کی بحالی کے لئے لیویز فورس الرٹ ، آئندہ چوبیس گھنٹوں میں ، اسلام آباد میں درجہ حرارت صفر ڈگری تک گرنے کا امکان ہے ، کوئٹہ میں منفی سات سے منفی پانچ تک، قلات میں منفی آٹھ ڈگری تک، لاہور میں کم سے کم چار ڈگری، کراچی دس سے بارہ ڈگری، پشاور میں ایک ڈگری تک رہنے کا امکان ہے۔ اسکردو میں پارا منفی بارہ ، استور منفی گیارہ اور گلگت میں منفی نو ڈگری تک جانے کا امکان ، راولا کوٹ میں منفی پانچ اور لیہ میں منفی پندرہ ڈگری تک رہنے کا امکان ہے ۔
