• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی وارداتیں

میرا شہر
اسلام آباد
02 جنوری ، 2022
راولپنڈی (سٹاف رپورٹر) اسلام آباد کے شہری ایک گاڑی،11 موٹرسائیکلوں، موبائل فونز اورنقدی وغیرہ سے محروم ہوگئے ۔تھانہ کورال پولیس کو فرخندہ یاسمین نے بتایاکہ زبیر سمیت چار ملزمان اسکے گھر داخل ہوئے ،اسے اور اسکی بیٹی کو تشددکانشانہ بنایااور گھر سے طلائی زیورات، نقدی ، نکاح نامہ اوردیگر اشیاچوری کرکے لے گئے ۔ تھانہ بھارہ کہوکے علاقہ کورنگ پل پر چارموٹرسائیکل سوار گن پوائنٹ پرنصیب گل سے موبائل اورنقدی مالیتی تیس ہزارروپے،تھانہ بھارہ کہوکے علاقہ میں شاہ پورمیں شباحت علی سے نامعلوم موٹرسائیکل سوارگن پوائنٹ پرموبائل اورنقدی مالیتی ایک لاکھ 66ہزارروپے،تھانہ بھارہ کہوکے علاقہ شاہ پورمیں تین موٹرسائیکل سوار جاویدسے گن پوائنٹ پرموبائل ، تھانہ رمنا کے علاقہ جی 12میں تین نامعلوم ملزمان قمرکی دکان سے گن پوائنٹ پرنقدی اورموبائل ، تھانہ نون کے علاقہ چونگی نمبر 26میں دونامعلوم ملزمان گن پوائنٹ پرمصباح الدین سے موبائل اورنقدی ،تھانہ کھنہ کے علاقہ میں اوجڑی کیمپ کے قریب گن پوائنٹ پرنبیل سے نقدی اورموبائل،تھانہ کھنہ کے علاقہ اقبال ٹاؤن میں عامرسے گن پوائنٹ پر موبائل اورکھنہ پل پرعمرسے موبائل ذیشان پلازہ کے قریب ذیشان سے موبائل اورگاڑی کاکارڈ ، تھانہ کورال کے علاقہ سترہ میل میں محسن علی سے گن پوائنٹ پر نقدی اورموٹرسائیکل چھین لیاگیا۔تھانہ رمناکے علاقہ میں ارشادکی دکان کےتالے توڑ کر لیپ ٹاپ اور نقدی، تھانہ گولڑہ کے علاقے میں قیصرکا موبائل،تھانہ گولڑہ کے علاقے میں حیدر کی نقدی اور شناختی ،تھانہ شمس کالونی کے علاقے میں زاہد کا کیمرہ وغیرہ ، تھانہ سہالہ کے علاقے میں اقصی کا موبائل، لوہی بھیر کے علاقے میں باسط کے دکان ملازم غضنفر نے سینٹری کاسامان، جہانگیر کا موبائل، مراد اور عبدالصمد کا موبائل چوری کرلیاگیا ۔
اسلام آباد سے مزید