• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور ٗچوری کے 6واقعات ، نقدی اور گاڑیاں چوری، ٗفائرنگ سے دو افراد زخمی

میرا شہر
پشاور
31 جنوری ، 2022
پشاور(کرائم رپورٹر)پشاور میں چوری 6واقعات میں نقدی اور گاڑیاں چوری کر لی گئی جبکہ فائرنگ کے واقعات میں دو افرادزخمی ہو گئے ۔تھانہ پہاڑی پورہ کی حدود میں رنگ روڈ پر ڈے ٹو نائٹ کے قریب موٹرسائیکل سوار رہزنوں نے الیکٹرانکس کے کاریگر محمد ابرار ولد محمد اسرار سے اسلحہ کی نوک پر موٹرسائیکل 125چھین لیا ہے پولیس نے سی سی ٹی وی کیمروں کی ریکارڈنگ حاصل کرکے مقدمہ درج کر لیا ادھر تھانہ حیات آباد کی حدود میں پی ڈی اے بلڈنگ کے سامنے چوروں نے پی ڈی اے کے ٹھیکیدار محمد جاولد کو موٹرکارسے محروم کردیا جبکہ تھانہ متھرا کی حدود اصحاب بابا میں معمولی تکرار پر نذیر ٗعبدالباری ٗاحسان اوراسرار نے معمولی تکرار پر تعمیراتی کام میں مصروف مزدور نعمت اللہ ولد فضل ربی کو فائرنگ کرکے زخْمی کردیا پولیس نے کاروائی کرتے ہوئے دو ملزمان کوگرفتارکرلیا۔تھانہ پشتہ خرہ کی حدود تاج آباد میں چوروں نے سرفراز قریشی کے نجی سکول کے تالے توڑ کر ہزاروں روپے مالیت کا سامان چوری کر لیاپولیس نے راحت اللہ کے خلاف مقدمہ درج کر لیا۔تھانہ مچنی گیٹ کی حدود بابو گڑھی میں چوروں نے ساجد علی کی دکان سے قیمتی موبائل فون سیٹ چوری کر لیا ۔تھانہ خان رازق شہید کی حدود لیڈی ریڈنگ ہسپتال میں داخل مریضہ کے بیٹے محمد علی جان کو موبائل فون سیٹ سے محروم کردیا ۔تھانہ خزانہ کی حدود خدرہ خیل میں چوروں نے نورمحمد کے گھر کے سامنے سے بورنگ مشین چوری کرلی پولیس نے عادل اور رحم داد کے خلاف مقدمہ درج کر لیا ۔تھانہ فقیر آباد کی حدود لخکر آباد میں ہوائی گولی لگنے سے کاشف شدید زخمی ہوگیا ۔
پشاور سے مزید