• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

13 رجب کا دن منانا عظیم سعادت ہے:یوسف رضا گیلانی

میرا شہر
ملتان
17 فروری ، 2022
ملتان ( سٹاف رپورٹر) سابق وزیر اعظم و سینٹ میں قائد حزب اختلاف یوسف رضا گیلانی نے کہا ہے کہ حضرت علی ؓکے یوم ولادت کے موقع پر پوری قوم کو مبارک باد پیش کرتا ہوں ان خیالات کا اظہار انہوں نے امام بارگاہ چوک کمہاراں والا میں جشن مولا علی کرم اللہ وجہہ الکریم کے اجتماع سے خطاب میں کیا، اس موقع پر اسد عباس شاہ نےیوسف رضا گیلانی کا خیر مقدم کیا اور کہا کہ ولادت حضرت علیؓ کے موقع پر میرا عہد ہے کہ میں اپنی بقایا زندگی پیپلز پارٹی کے ساتھ بسر کروں گا، یوسف رضا گیلانی نے کہا کہ الحمداللہ میرا سادات گھرانے سے تعلق ہے اور آج سادات کے گھروں میں بہت بڑی خوشی کا دن ہے 13 رجب کا دن منانا ایک عظیم سعادت ہے، اتحاد سے ہی ملک و قوم کی سلامتی ہے، اس موقع پر سرائیکستان نوجوان تحریک کے صدر مظہر عباس کات ، عثمان بھٹی، علامہ ڈاکٹرمحسن عباس ، رضا عباس شاہ ،علامہ وسیم عباس معصومی ،علامہ امیر حسین ،ذاکر صابر بلوچ ، قاری علی گیلانی و دیگر موجود تھے،بعدازاں یوسف رضا گیلانی نے حضرت علی ؓ کی ولادت کا کیک بھی کاٹا۔
ملتان سے مزید