• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی کے مختلف علاقوں میں لڑائی جھگڑے ، پانچ افرادزخمی

میرا شہر
اسلام آباد
22 فروری ، 2022
راولپنڈی (سٹاف رپورٹر)راولپنڈی کے مختلف علاقوں میں لڑائی جھگڑے کے واقعات میں پانچ افرادزخمی ہوگئے ۔تھانہ آراے بازارکو اویس عصمت نے بتایا کہ شارخ بٹ ، فہد گل، نعمان، شیروز مغل اور کچھ نا معلوم افراد رشید سٹریٹ آئے جنہوں نے مجھے مارنا شروع کر دیا ، اہل محلہ والوں نے مجھے چھڑایا اسی دوران جواد احمد ،محمد فہد ، محمد نعیم وغیرہ مجھے چھڑواتے ہوئے زخمی ہو گئے ،ملزمون کے پاس لوہے کے مکے ، راڈ اور آہنی اوزار تھے اس دوران عصمت کا دانت ٹوٹ گیا، فہد کوکمر پر چوٹ آئی۔وجہ عناد میری شارق بٹ اور فہد گل کے ساتھ تلخ کلامی تھی۔تھانہ ریس کورس کو سعید الرحمن نے بتایاکہ میرا بیٹا معاذ سعید گھر پر اکیلا موجود تھا گھر کی گھنٹی بجنے پراس نے دروازہ کھولا تو سامنے ریاست حسین ،احمد عباس، احسن عباس اور دو افرادکو سامنے کھڑادیکھ کر فوراًدروازہ بند کرنے کی کوشش کی کیونکہ ان لوگوں سے ہماری خاندانی چپقلش چل رہی ہے لیکن مذکورہ لوگوں نے زبردستی دروازے کو دھکے دیتے ہوئے دروازہ کھول لیا اور اندر داخل ہوتے ہی میرے بیٹے پر ٹوٹ پڑے ریاست حسین اوراحمد عباس جو کہ پستولوں سے مسلح تھے انہوں نے دیگر کی مدد سے میرے بیٹے کو پستولوں کے بٹ مارتے ہوئے زمین پر گرا لیااور ساتھ ساتھ مکو ں اور لاتوں سے بھی مارتے رہے، دوسرے افراد کمروں میں داخل ہو گئے اور تلاشی لیتے رہے گھر میں پڑے صندوقوں کو الٹ پلٹ کیا اور تالا توڑ کرگھر میں پڑی ہوئی نقد رقم نو لاکھ ستر ہزارروپے اور میرے ضروری ذاتی کاغذات چوری کر کے لے گئے۔
اسلام آباد سے مزید