فرمان الہی
نماز کے اوقات
کراچی(اسٹاف رپورٹر) پاکستان کپ ون ڈے کرکٹ ٹورنامنٹ بدھسے شروع ہو رہا ہے۔ ٹورنامنٹ میں شریک کھلاڑی اچھی کارکردگی دکھا کر آسٹریلیا کے دورہ پاکستان کے لئےوائیٹ بال سیریز کا حصہ بن سکتے ہیں۔ پاکستان کپ میں شریک تمام چھ کرکٹ ایسوسی ایشنز کی ٹیموں میں شامل کھلاڑیوں کا اعلان کردیا ہے۔ زمان خان ، سلمان ارشاد اور وکٹ کیپر بیٹر محمد حارث کے علاوہ پاکستان انڈر19ٹیم کےکپتان قاسم اکرم، وکٹ کیپر بیٹر حسیب اللہ خان اور مہران ممتازکو بھی اعلان کردہ اسکواڈز میں شامل کیا گیا ہے۔ ڈومیسٹک سیزن 22-2021کے آخری ٹورنامنٹ میں شامل تمام اسکواڈز 16، 16 کھلاڑیوں پر مشتمل ہیں۔ان کے علاوہ پاکستان وائیٹ بال ٹیم کے نائب کپتان شاداب خان، بیٹرزفخر زمان، حیدر علی، آصف علی اور خوشدل شاہ اور باؤلرز محمد وسیم جونیئراور شاہنواز دھانی بھی 31مارچ تک جاری رہنے والے ٹورنامنٹ میں اپنی صلاحیتوں کابھرپور اظہار کرینگے۔
