راولپنڈی(سٹاف رپورٹر)راولپنڈی کے مختلف علاقوں سے تین لڑکیوں سمیت پانچ افرادکواغواء کرلیا گیا۔تھانہ پیرودھائی کو سید خان نے بتایاکہ میرا بیٹا عبدالحکیم عمر 48سال گھر میں موجود تھا کہ 5نامعلوم اشخاص سیڑھی لگا کر گھرکے اندر داخل ہوئے اور اسے اغواء کر کے لے گئے۔تھانہ بنی کو غلام عباس نے بتایاکہ اس کی بیوی(الف) کو کوئی اغواء کر کے لے گیا۔تھانہ ٹیکسلاکو مظہر علی خان نے بتایا کہ میرا بیٹا عدیل خان جب چھوکر گائوں کے پاس پہنچا تو ساجد خان او رعابد خان نے گن پوائنٹ پر اسے اغواء کر لیا۔تھانہ صدرواہ کو جہانگیر نے بتایا کہ اس کی 15سالہ بیٹی صاعقہ گھر سے غائب ہو گئی،گھر سے دو تولہ طلائی زیورات بھی غائب ہیں ۔تھانہ گوجرخان کو محمد ظہیر نے بتایا کہ اس کی بیوی ڈاکٹر کا بتا کر گئی،اسے کوئی اغواء کر کے لے گیا ۔
فرمان الہی
نماز کے اوقات
