فرمان الہی
نماز کے اوقات
کراچی (اسٹاف رپورٹر)شہر کے مختلف علاقوں میں فائرنگ کے واقعات میں8افراد زخمی ہو گئے۔ تفصیلات کے مطابق سائٹ سپر ہائی وے صنعتی ایریا تھانے کی حدودو نیو سبزی منڈی کے قریب لوٹ مار کے دوران مزاحمت کر نے پر ملزمان کی فائرنگ سے 22سالہ عبدالباسط ولد جان بادشاہ زخمی ہو گیا جسے عباسی اسپتال منتقل کیا گیا۔زمان ٹاؤن تھانے کی حدود کورنگی نورانی بستی بنگالی پاڑہ کے قریب ذاتی جھگڑے کےدوران ہونےو الی فائرنگ سے 40سالہ شفیق ولد شریف زخمی ہوگیا جسے جناح اسپتال منتقل کیا گیا۔جیکسن تھانے کی حدود گلشن سکندر آباد میں فائرنگ کے پراسرار واقعے میں 9سالہ عباس خان ولد محمد سلیمان زخمی ہوگیا جسے سول اسپتال پہنچایا گیا۔پولیس کے مطابق گولی نامعلوم سمت سے آکر لگ ہے اور واقعہ کی مزید تفتیش جاری ہے ۔ ڈاکس تھانے کی حدود میاں والی کالونی سلطان آباد میں ذاتی جھگڑے کے دوران ہونے والی فائرنگ میں 24سالہ تصور علی ولد محمد علی زخمی ہوگیا جسے سول اسپتال منتقل کیا گیا۔ سعید آباد تھانے کی حدود بلدیہ نمبر8فٹ بال اسٹیڈیم کے قریب نامعلوم سمت سے آنے والی گولی کی زد میں آکر 20سالہ معیز ولد عبدالمجید زخمی ہوگیا جسے سول اسپتال منتقل کیا گیا۔ مدینہ کالونی تھانے کی حدود نورانی گراؤنڈ مدینہ بیکری بلدیہ24کی مارکیٹ کے قریب لوٹ مار کے دوران ملزمان نے پستول کا بٹ مار کر کر 24سالہ محمد اسعد کو زخمی کردیا اور فرار ہوگئے ،منگھوپیر تھانے کی حدودو زیبو گوٹھ میں لوٹ مار کے دوران مزاحمت کرنے پر ملزمان کی فائرنگ سے 35سالہ فیض محمد ولد روہان میر زخمی ہوگیا جسے عباسی اسپتال منتقل کیا گیا۔زمان ٹاؤن کورنگی نمبر ایک میں نامعلوم افراد کی فائرنگ سے 30سالہ تیمور ولد محمد ظہور زخمی ہوگیا جسے جناح اسپتال منتقل کیا گیا۔ پولیس کے مطابق واقعہ قبرستان کے قریب پیش آیا اس حوالے سے معلومات لی جا رہی ہیں۔
