• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی کے مختلف علاقوں میں وارداتیں

میرا شہر
اسلام آباد
25 مارچ ، 2022
راولپنڈی(سٹاف رپورٹر)راولپنڈی کے مختلف علاقوں میں شہری ایک کار،17موٹرسائیکلوں ، طلائی زیورات ،موبائل فونز ،مویشیوں ،نقدی اور دیگراشیاء سے محروم ہوگئے ۔ تھانہ نیوٹاؤن کے علاقہ سکستھ روڈپر دوموٹرسائیکل سوار اسلحہ کی نوک پر عثمان خان سے 2موبائل فون اور 8ہزار روپے ، تھانہ نیوٹاؤن کے علاقہ ڈھوک نجومیں دونامعلوم ملزمان گن پوائنٹ پرمحمد اشفاق سے اس کی موٹر سائیکل ،تھانہ نیوٹاؤن کے علاقہ گلشن دادن خان میں فواد اپنے کزن شجاعت کے ساتھ جا رہا تھا کہ 3نامعلوم موٹر سائیکل سوار ان سے اسلحہ کی نوک پر 2 موبائل مالیتی3لاکھ روپے،تھانہ صادق آبادکے علاقہ سی بلاک میں دوموٹرسائیکل سواروں نے اسلحہ تان کر اویس شہزاد سے 90ہزار روپے چھین لئے اورپسٹل کا فائر مارکراسے زخمی کرکے فرارہوگئے ۔ تھانہ ریس کورس کے علاقہ نیازی ٹاؤن میں توقیراحمد اقبال مارکیٹ میں اپنی فارمیسی بند کرنے لگا تو 2نامعلوم لڑکے اندر گھس آئے اور گن پوائنٹ پراس سے موبائل،10ہزارروپے اور دوائیاں مالیتی10ہزار روپے چھین کر لے گئے،تھانہ ائرپورٹ کے علاقہ ائرپورٹ ہاؤسنگ سوسائٹی میں دوموٹرسائیکل سوار فیصل مجید سے گن پوائنٹ پر 2لاکھ روپے،دو موبائل اور شناختی کارڈ چھین کر فرار ہو گئے،تھانہ ٹیکسلاکے علاقہ ڈونگی گلی میں دونامعلوم ملزمان حافظ آفاق احمد سےگن پوائنٹ پر موٹرسائیکل ،تھانہ روات کے علاقہ جاوامیں دوموٹرسائیکل سوار اسلحہ کی نوک پر فیصل محمود سے 2لاکھ 25ہزار روپے ،تھانہ پیرودھائی کے علاقہ مین پیرودھائی روڈپر دوموٹرسائیکل سوار شفیع اللہ کاموبائل جس کے کور میں 7ہزار روپے چھین کرلے گیا،تھانہ وارث خان کے علاقہ میں کارڈیالوجی ہسپتال کے قریب نامعلوم شخص احسن شہزاد کاموبائل ،تھانہ نیوٹاؤن کے علاقہ حیدری چوک میں موٹرسائیکل سوار طاہر عباس سے موبائل اور10ہزار روپے،تھانہ نیوٹاؤن کے علاقہ سکستھ روڈپر نامعلوم موٹرسائیکل سوار محمد محسن سے موبائل ،سکستھ روڈپرمدعی مقدمہ محمد حو یطب سے 2نامعلوم موٹر سائیکل سوار موبائل ،تھانہ صادق آبادکے علاقہ ڈھوک کالاخان میں دوموٹرسائیکل سوار آفتاب نذیر سے موبائل ،تھانہ ریس کورس کے علاقہ پشاور روڈپر دوموٹرسائیکل سوارحسنین احمد سے موبائل ،تھانہ ٹیکسلاکے علاقہ میں مراد علی سے 2نامعلوم موٹرسائیکل سوار مارکیٹنگ ڈیوائس چھین کر فرار ہو گئے،تھانہ صدرواہ کے علاقہ میں دوموٹرسائیکل سوار محمدندیم سے موبائل چھین کرلے گئے ،تھانہ پیرودھائی کے علاقہ مین پیرودھائی روڈپر بشیر گل کا رکشہ میں دوران سفر موبائل چوری ہوگیا،مین پیرودھائی روڈپر مشتاق احمد نے گارمنٹس کا سامان مالیتی ڈیڑھ لاکھ روپے ایک نامعلوم شخص کی ریڑھی میں رکھا جو سامان لےکر غائب ہو گیا،تھانہ نصیرآبادکے علاقہ شہبازٹاؤن میں عمانویل مسیح سینٹری ورکر کی گھر کی چھت پر رکھے 130 کبوتر مالیتی2لاکھ روپے چوری ہوگئے ،تھانہ نصیرآبادکے علاقہ چاکرہ میں نازک محمود کی 4بکریاں اورایک بکرا ،تھانہ صدرواہ کے علاقہ چھاچھی محلہ میں نامعلوم چور محمد مدثر اقبال کےگھر کا تالہ کاٹ کر ایک لاکھ 70ہزارروپے اورطلائی زیورات مالیتی6لاکھ روپے ،تھانہ صدربیرونی کے علاقہ دھمیال میں مدثر علی کے فارم سے دو گائیں اور ایک بچھڑا چوری ہوگیا،تھانہ روات کے علاقہ فیز7میں فراز نعیم اوراس کا دوست معاذ علی اپنے اپارٹمنٹ میں سورہے تھے کہ نامعلوم ان کے کمرے سے ایک لیپ ٹاپ، دو موبائل فون چوری کرکے لے گیا،تھانہ روات کے علاقہ ساگری میں محمد سجاد کابکراچوری ہوگیا۔
اسلام آباد سے مزید