فرمان الہی
نماز کے اوقات
سرا ئے عا لمگیر (شیخ ظفر اقبال)مریم نواز اور حمزہ شہباز سرا ئے عا لمگیر 9گھنٹے تاخیر سے رات 2بجے کے بعد پہنچے۔مریم نواز نے پھولدار قمیض، سفید شلوار اور سفید دوپٹہ اوڑھ رکھا تھا جبکہ حمزہ شہباز نے ہلکے جامن کلر کی شلوار قمیض اور میرون کلر کی ویسٹ کوٹ زیب تن کر رکھی تھی۔کا ر کنان اپنے لیڈروں کے استقبال کے لئے جلسہ گاہ میں مو جود رہے اور وقفہ وقفہ سے ڈھول کی تھاپ پر رقص کرتے نظر آئے۔ مسلم لیگ(ن) کا جلسہ پارٹی عہدیداران، کار کنان کی جیبوں سے مو بائل فونز، نقدی کا جیب کتروں نے صفایا کردیا۔ڈسٹرکٹ پولیس سمیت دوسرے اداروں کے اہلکار ن لیگ جلسہ اور پی ٹی آئی جلسہ میں شریک افراد کی تعداد بارے اعلیٰ حکام کو رپورٹس دیتے رہے۔مریم نواز اور حمزہ شہباز الگ الگ گاڑیوں میں آئے، اس کے ساتھ کنٹینر بھی تھا جس پر دو نوں نے اکٹھے ہو کر کارکنان سے خطاب کیا۔کنٹینر کیساتھ مریم نواز اور حمزہ شہباز کی بلٹ پروف گاڑیاں بھی قافلہ کے ساتھ رواں دواں تھیں۔
