• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی، اسلام آباد سے 9خواتین سمیت 12افراد اغواء

میرا شہر
اسلام آباد
13 اپریل ، 2022
اسلام آباد،راولپنڈی(خصوصی نامہ نگار، سٹاف رپورٹر)جڑواں شہروں سے9خواتین سمیت 12 افراد اغواء ہو گئے ۔تھانہ نیلور کے علاقے میں ظہیر کی اہلیہ (س) گھر سے لاپتہ ہوگئی جب کہ گھرسے طلائی زیورات بھی غائب ہیں ۔تھانہ بھارہ کہوکے علاقے میں طارق کی دختر (ف) گھر سے غائب ہوگئی جو جاتے ہوئے اپنے ساتھ دس ہزار ریال، ،ایک لاکھ 45ہزارروپے اور طلائی زیورات بھی لے گئی ۔ادھر تھانہ آب پارہ کے علاقے میں بھانجادانیال اپنے ماموں کی بیوی (س) کو ورغلا کر ساتھ لے گیا، جو جاتے ہوئے چار لاکھ ستر ہزارروپے ، دو تولہ زیوربھی ساتھ لے گئی ۔تھانہ آبپارہ کے علاقے میں مدثر کی اہلیہ (ن) کو نامعلوم نے ،تھانہ گولڑہ کے علاقے میں صفی اللہ کے بھائی سیناب کو نامعلوم نے ،تھانہ کھنہ کے علاقے میں عبدالرشید کی دختر (م) کو کامی وطیب وغیرہ نے ،تھانہ کھنہ کے علاقے میں مکھن کے بارہ سالہ بیٹے سفیان کو نامعلوم نے ،تھانہ سبزی منڈی کے علاقے میں محمود کے بھتیجے اسد کونامعلوم نے اغوا کرلیا، پولیس نے الگ الگ مقدمات درج کر لئے۔تھانہ رتہ امرال کو آسیہ شاہین نے بتایا کہ اس کی بیٹی (الف) بی بی عمر 17سال کو فخراوراس کی ہمشیرہ شاہین اغواء کرکے لے گئے ۔تھانہ پیرودھائی کو محمد طاہر نے بتایا کہ میری سالی (و)کوکسی نے اغواء کرلیا۔تھانہ ٹیکسلاکو ملک شوکت خان نے بتایا کہ اس کی بیٹی (ث)عمر 28 سال جو ڈاکٹر ہے اوراس کا خاوند امریکہ میں رہائش پذیر ہے صبح 8 بجے ہسپتال کیلئے گھر سے نکلی واپس نہ آئی جسکا موبائل بند ہے ۔معقول ذرائع سے معلوم ہوا کہ بچی کو اسد جبار نامی شخص نے نوکری کا جھانسہ دیکر اغواء کر لیا ۔تھانہ واہ کینٹ کو محمد ابرار نے بتایا کہ اس کی بیٹی (م) عمر 18 سال شاپنگ مال میں کام کرتی تھی 9اپریل گھر سے کام پرچلی گئی مگر شاپنگ مال نہ پہنچی اب پتہ چلا ہے کہ میری بیٹی کو آفاق اور اسکے بھائی وقاص نے اغواء کیا ۔
اسلام آباد سے مزید