فرمان الہی
نماز کے اوقات
کراچی ( ٹی وی رپورٹ ) ماہر قانون، اعتزاز احسن نے کہا ہے کہ بلاول کا قد اونچا ہے انہیں وزیر خارجہ نہیں بننا چاہئے اور یہ کہ الیکشن کا فیصلہ جس نے کرنا ہے وہی جواز بھی بنا لے گا وہ نجی ٹیلی ویژن سے گفتگو کر رہے تھے ان کا کہنا تھا کہ ججز بھی ہماری طرح کے انسان ہیں ان پر دباؤ ہوتا ہوگا.
ان کا مزید کہنا تھا کہ تصور نہیں کیا جاتا کہ ججزخاص طور پر اعلیٰ عدالتوں کے ججز، ہائی کورٹ اور سپریم کورٹ کے ججزیہ کسی ذاتی مفاد یا نقصان کے باعث فیصلہ دیتے ہیں۔ہوتا ضرور ہوگا وہ بھی ہماری طرح انسان ہی ہیں اور بہت سارے معاملات میں سب کو محسوس بھی ہوجاتا ہے ۔
ججز کے وقار کی خاطر بد نیتی کو ان سے منسوب نہیں کیا جاسکتا۔اگر کسی مقدمے میں بیٹھنے سے کوئی جج صاحب گریز کرتے ہیں تو عموماً اس کی وجوہات یہ ہی ہوتی ہیں جو بتائی نہیں جاتیں لکھی نہیں جاتیں ان سے سوال نہیں کیا جاسکتا۔
