فرمان الہی
نماز کے اوقات
سکھر (بیورو رپورٹ) وفاقی وزیر آبی وسائل سید خورشید احمد شاہ نے کہا ہے کہ عمران خان اتنے بڑے جلسے تو کررہے ہیں، لیکن وہ 22ہزار ارب قرضہ لیکر یہ نہیں کہہ سکتے کہ انہوں نے کیا کارنامہ انجام دیا؟ انہوں نے کچھ نہیں کیا، صرف تباہی و کرپشن کی، ہم اخلاق کے دائرے میں رہتے ہیں، نام لیتے ہوئے بھی شرم آتی ہے، ان کو تو شرم نہیں آتی، عمران کی کرپشن کی بڑی بڑی کہانیاں ہیں، نواز شریف اور ہم سب مل جائیں تو بھی ہم اس کے چوتھائی حصے کے برابر بھی نہیں پہنچ سکتے، معیشت اتنی تباہ ہوگئی ہے کہ خوف آتا ہے، ڈر لگتا ہے۔ یہ غریب لوگ کہاں جائیں گے؟ وہ جامعہ غوثیہ رضویہ سکھر میں ممتاز عالم دین مفتی محمد ابراہیم قادری کی جانب سے اپنے اعزاز میں منعقدہ عید ملن پارٹی کے موقع پر میڈیا سے بات چیت کررہے تھے۔ اس موقع پر معاون خصوصی ارسلان اسلام شیخ تاجر رہنما حاجی ہارون و دیگر بھی موجود تھے۔ وفاقی وزیر آبی وسائل سید خورشید احمد شاہ نے کہاکہ تحریک انصاف کے لئے کوئی نرم گوشہ نہیں، ہم سیاستدان ہیں، ہم سیاست کو سمجھتے ہیں، گولی کا جواب گولی سے نہیں دیا جاتا بلکہ ڈائیلاگ سے دیا جاتا ہے، ہم نے عدم اعتماد کی بات کی تو دیگر جماعتوں نے منع کیا مگر ہم نے واضح کیا کہ آئینی طریقہ موجود ہے۔
