پشاور( جنگ نیوز) میئر پشاور حاجی زبیر علی نے گزشتہ روز چیئرمین فضل وہاب صافی کی دعوت پر این سی 27 شیخ آباد کا تفصیلی دورہ کیا اس موقع پر ڈائریکٹر ایسٹ زون سید وقاص علی شاہ،چیئرمین فقیرآباد اخونزادہ زاہداللہ شاہ،چیئرمین گلبہار نوید خان اور علاقہ معززین کی بڑی تعداد بھی موجود تھی ۔میئر پشاور حاجی زبیر علی نے عثمان ذوالنورینؓ پارک میں پودا لگا کر شجرکاری مہم کا افتتاح کیا اور پارک میں علاقہ عوام کی سہولت کے لئے پیدل واک ٹریک بنانے کے احکامات جاری کئے اس کے علاوہ مزکورہ پارک کی دیواروں پر ثقافتی اور تاریخی پینٹنگ بنانے کے بھی احکامات جاری کئے جس کے بعد وہ فاروق اعظم ؓپارک گئے اور وہاں بھی مزید سہولیات فراہم کرنے کی ہدایت کی زبیر علی نے شیخ آباد ڈسپنسری کا بھی دورہ کیا جہاں انہوں نے موجود مریضوں سے سہولیات بارے آگاہی حاصل کی اور مریضوں کو سہولیات کی فراہمی میں غفلت نہ برتنے کی ہدایت کی ۔ میئر پشاور نے اہالیان علاقہ سے اپنے خطاب میں کہا کہ انہوں نے مجھ پر جس اعتماد کا اظہار کیا ہے وہ اس پر محدود وسائل کے باوجود پورا اترنے کی ہر ممکن کوشش کررہے ہیں اور پشاور میں جلد میگا پراجیکٹ کا آغاز کیا جائیگا چیئرمین فضل وہاب صافی نے میئر کا انکی این سی کا خصوصی دورہ کرنے اور درپیش مسائل کے حل کی یقین دہانی پر انکا شکریہ ادا کرتے ہوئے کہا کہ وہ میئر حاجی زبیر علی کے ساتھ شہر کی ترقی کیلئے ملکر کام کریں گے اور یہ کہ علاقہ عوام کو سہولیات فراہم کرنے میں بھرپور کردار ادا کرینگے۔
فرمان الہی
نماز کے اوقات
