فرمان الہی
نماز کے اوقات
کراچی ( اسٹاف رپورٹر) ملتان میں پاک ویسٹ انڈیز ون ڈے سیریز کے لئے کھلاڑیوں اور آفیشلز کی حفاظت کے لئے خصوصی انتظامات کئے گئے ہیں۔ ملتان کر کٹ اسٹیڈیم کی صفائی ستھرائی کا کام تیزی سے جاری ہے۔ شہر میں ٹیموں کی آمد کے موقع پر خیر مقدمی بینرز لگائے ہیں۔ ون ڈے سیریز 8 جون سے شروع ہوگی، انتظامیہ نے 5 سے 13 جون تک ضلع کی سکیورٹی کو ریڈ الرٹ رکھنے کا فیصلہ کیا ہے،اسٹیڈیم کے ارد گرد کے رہائشی اور کمرشل علاقوں میں روزانہ کی بنیاد پر سرچ آپریشنز کیا جارہا ہے، تمام سرائے اور ہوٹلز میں ٹھہرنے والے افراد کی جانچ پڑتال کی جارہی ہے۔ 6 ہزار پولیس اہلکار اسٹیڈیم کے اطراف ٹیموں کے روٹس پر اور ٹیموں کے ہوٹلز پر تعینات کیے گئے ہیں ۔ان ہوٹلز میں عام آدمی کے لیے بکنگ بھی محدود کردی گئی ہے۔ ٹیموں کو ہوٹل سے اسٹیڈیم لے جانے اور واپس لانے کے لیے دو مختلف روٹس بنائے گئے ہیں ۔ سیریز کے حوالے سے شہریوں میں بھرپور جوش پایا جاتا ہے۔
