فرمان الہی
نماز کے اوقات
کراچی (اسٹاف رپورٹر) ٹی ٹوئنٹی لیگز کے شیڈول نے کرکٹ بورڈز اور منتظمین کو پریشان کر دیا۔ آسٹریلیا کی بگ بیش لیگ کے شیڈول کو حتمی شکل دینے میں مشکلات کا سامنا ہے، ایسی ونڈو کی کوشش ہے کہ یہ دوسری لیگز سے متصادم نہ ہو۔ جنوری میں امارات ٹی 20 لیگ کے اعلان سے منتظمین اور بورڈز مزید پریشان ہوگئے ہیں۔ جنوبی افریقا کی ٹی 20 لیگ اور بنگلہ دیش کی لیگ بھی ان ہی دنوں شیڈول ہورہی ہے۔ خیال رہے کہ بگ بیش کے مقابلے میں یو اے ای اور جنوبی افریقا کی لیگز میں سرمایہ کاری زیادہ ہے۔ میڈیا رپورٹس کے مطابق جنوبی افریقا کی ٹیم ڈومیسٹک ٹی 20 لیگ کیلئے آسٹریلیا میں ون ڈے سیریز نہیں کھیلے گی،سیریز جنوری میں ٹیسٹ سیریز کے بعد شیڈول ہے۔ میڈیا کا کہنا ہے کہ ون ڈے سیریز ری شیڈول نہ ہوئی تو وہ منسوخ کر دی جائے گی۔
