فرمان الہی
نماز کے اوقات
لیسٹر (جنگ نیوز) بھارتی کرکٹ ٹیم انگلینڈ کے خلاف گذشتہ برس منسوخ ہونے والے ایک ٹیسٹ میں شرکت کیلئے انگلینڈ پہنچ چکی ہے۔ اسے سیریز میں 2-1کی برتری حاصل ہے۔ بھارتی ہیڈکوچ راہول ڈریوڈ کہتے ہیں کہ یہ صرف ٹیسٹ ہی نہیں ہے بلکہ اس میں ورلڈ ٹیسٹ چیمپئن شپ کے پوائنٹس بھی داؤ پر لگے ہوئے ہیں۔ جیتنے کی پوری کوشش کریں گے۔ یاد رکھنا ہوگا کہ انگلینڈ بہترین کرکٹ کھیل رہی ہے۔ گزشتہ سال حالات کچھ مختلف تھے۔ وہ نیوزی لینڈ سے ہار کر آ رہے تھے۔ لیکن اس بار وہ نیوزی لینڈ کو ہراکر آ رہے ہیں۔ یاد رہے کہ گزشتہ سال شروع ہونے والی اس سیریز میں ٹیم کے کوچ روی شاستری، کپتان ویرات کوہلی تھے۔ اب کوچ ڈریوڈ اور کپتان روہت شرما ہیں ۔ کوہلی کی سبکدوشی کے بعد سے بھارتی ٹیم قیادت کے بحران سے دوچار ہے۔ 8 ماہ میں چھ پلیئرز کپتانی کرچکے ہیں۔ رواں برس سخت شیڈول کے سبب نئے کپتان روہت شرما انجرڈ ہوئے، اس کے بعد قیادت کیلیے شیکھر دھون، کے ایل راہل اور رشابھ پنت کو آزمایا گیا۔ رواں ماہ آئرلینڈ کیخلاف دو ٹی 20 کیلئے ہارک پانڈیا کو کپتان بنایا گیا ہے۔
