راولپنڈی میں وارداتیں

راولپنڈی (سٹاف رپورٹر) راولپنڈی کے مختلف علاقوں میں عیدالاضحیٰ کی تعطیلات کے دوران شہری 5گاڑیوں ،50موٹرسائیکلوں ،طلائی زیورات ،موبائل فونز ،نقدی اوردیگراشیاء سے محروم ہوگئے ۔تھانہ نیوٹاؤن کے علاقہ پنڈورہ میں دوموٹرسائیکل سوار جاوید اقبال سے گن پوائنٹ پر 7ہزار روپے اور موٹرسائیکل کی رجسٹریشن بک چھین کرلے گئے ، پنڈورہ میں دونامعلوم ملزمان خاور سے گن پوائنٹ پر موٹرسائیکل اور موبائل، دو اے ٹی ایم کارڈ، کسان کارڈ اور 13ہزار روپے چھین کرفرار ہوگئے ،تھانہ نصیرآبادکے علاقہ حبیب کالونی میں نامعلوم نےشخص گن پوائنٹ پر محمد زبیر بھٹی سے 50 ہزار روپے ، موٹرسائیکل اورموبائل چھین لیا اسی گلاب خان ، منگل خان اور بچہ خان کوبھی ملزم نے روک کر اور ان سے 2لاکھ روپے اور2 موبائل چھین کر فرار ہوگیا،تھانہ نصیرآبادکے علاقہ ڈھوک گجراں میں نامعلوم شخص محمد کمال سے گن پوائنٹ پردو موبائل اور43ہزار 500 روپے چھین کر فرار ہو گیا، ڈھوک گجراں میں عبدل کامران سے نامعلوم شخص گن پوائنٹ پرموبائل اور56ہزار روپے چھین کر فرار ہو گیا،تھانہ نصیرآبادکے علاقہ سادا روڈپر فاروق شاہ کی ٹیلرنگ کی دکان 3سٹار پر2نامعلوم لڑکے مسلح پسٹل آئے جواسلحہ کی نوک پر کپڑوں کے دس جوڑے اور 50ہزار روپے لے کر فرار ہو گئے تھانہ نیوٹاؤن کے علاقہ ڈبل روڈپر دونامعلوم موٹرسائیکل سوار محمدعثمان سے اسلحہ کینوک پر 2موبائل اور40ہزارروپے چھین کرفرارہوگئے،تھانہ نیوٹاؤن کے علاقہ چاندنی چوک میں دوموٹرسائیکل سوار حسنین انعام سے گن پوائنٹ پر30ہزارروپے ،شناختی کارڈ،اے ٹی ایم کارڈاور موبائل چھین کر فرارہوگئے،تھانہ نیوٹاؤن کے علاقہ ففتھ روڈپر ارشد علی سے دوموٹر سائیکل سوارموبائل چھین کرلے گئے ،تھانہ کینٹ کے علاقہ میں راحت کیفے کے قریب دوموٹرسائیکل سوار محمد فیاض مغل سے موبائل چھین کرلے گئے ،تھانہ کینٹ کے علاقہ میں دوموٹرسائیکل سوار عثمان منظور سے موبائل چھین کرلے گئے ،تھانہ نصیرآبادکے علاقہ رزاق ٹاؤن میں دوموٹرسائیکل سوار باقر خان سے موبائل اور 36ہزار روپے چھین کر فرار ہو گئے،تھانہ پیرودھائی کے علاقہ محمدی چوک میں محمد ندیم کی دکان احمد ٹریڈرز پرتین موٹرسائیکل سوار آئے جوگن پوائنٹ پران سے ایک لاکھ40ہزار چھین کر فرار ہو گئے،تھانہ نیوٹاؤن کے علاقہ ہولی فیملی ہسپتال کے سامنے عامر زمان ،سلیم اور نواز کے ہمراہ گاڑی میں کوکا کولا کمپنی کی سپلائی دے رہاتھاکہ 3نامعلوم موٹر سائیکل سوار ان سے اسلحہ کی نوک پر 2 موبائل اور80ہزار روپے چھین کرلے گئے ،تھانہ نیوٹاؤن کے علاقہ ایف بلاک میں دوموٹرسائیکل سوار جبران علی سے اسلحہ کی نوک پرموبائل چھین کر فرار ہو گئے،تھانہ نصیرآبادکے علاقہ دھمہ پھاٹک کے قریب تین موٹرسائیکل سوار غلام اصغر سے گن پوائنٹ پر اس کاموٹر سائیکل ہنڈا 125 ، 37سو روپے اورموبائل چھین کرلے گئے ،تھانہ مورگاہ کے علاقہ ڈیفنس روڈپر دوموٹرسائیکل سوار محمد طیب حامد سے گن پوائنٹ پر موبائل چھین کرفرارہوگئے ،تھانہ صدربیرونی کے علاقہ کہکشاں کالونی میں تین موٹرسائیکل سوار گن پوائنٹ پرطاہر سے اس کاموٹرسائیکل ،موبائل فون،شناختی کارڈ، اور ڈرائیونگ لائسنس چھین کر فرار ہوگئے ،تھانہ روات کے علاقہ میں ریڈیوپاکستان کے قریب محمد قذافی کی گاڑی خراب ہوگئی اوراس دوران 2نامعلوم اشخاص اسلحہ کی نوک پر اس سے ڈیڑھ لاکھ روپے چھین کر فرار ہوگئے،تھانہ رتہ امرال کے علاقہ ریلوے کالونی میں محمد شکیل کا بھانجا عبدالباسط گھر کے باہر کھڑا تھا کہ 4نامعلوم افراد اسلحہ کی نوک پر اس کا موبائل چھین کر فرار ہو گئے،تھانہ سول لائنزکے علاقہ میں خرم شہزاد ہمراہ بابر اپنی گاڑی میں گھر جا رہا تھا کہ چیمبر آف کامرس نزد پنجاب ہائوس کے قریب دونامعلوم ملزمان گن پوائنٹ پر اس کاپرس چھین کرلے گئے جس میں 30ہزار روپے ،شناختی کارڈ،اے ٹی ایم کارڈ،گاڑی کرولا کیوایکس -10-26کا سمارٹ کارڈ تھا،تھانہ ائرپورٹ کے علاقہ غریب آبادگراؤنڈکے قریب تین موٹرسائیکل سواروں نے بابر علی سے گن پوائنٹ پرموبائل اور36ہزار روپے چھین لئے اوراسے چاقومارکرزخمی کرکے فرارہوگئے ،ہولی فیملی ہسپتال میں اسامہ علی کی گاڑی میں سے موبائل چوری ہوگیا،تھانہ صادق آبادکے علاقہ بلال کالونی میں بصیر خان کے گھر سے بٹوا چوری ہوگیاجس میں ایک لاکھ 38ہزار570روپے شناختی کارڈ،اے ٹی ایم کارڈ اورموبائل تھا،تھانہ ویسٹریج کے علاقہ ریس کورس روڈپر محمد فیصل شہزاد کے گھرکے تالے توڑکر طلائی زیوراتمالیتی 78لاکھ 54 ہزارروپے ، ایک لاکھ 24ہزار 510 درہم ، لیپ ٹاپ اورسینٹری کاسامان مالیتی 5لاکھ 97ہزار 740 روپے چوری کرلیاگیا،تھانہ نصیرآبادکے علاقہ شہبازٹاؤن میں عاقب صدیق کےسیلون سے نا معلوم چور 2 موبائل،55ہزار روپے ، شناختی کارڈ اوراے ٹی ایم کارڈ چوری کرکے لے گئے ،تھانہ آراے بازارکے علاقہ ہارلے سٹریٹ میں ملک ظہیر عباس کے گھرکے تالے توڑکر ایک لاکھ 20ہزار روپے چوری کرلئے گئے ،تھانہ آراے بازارکے علاقہ ہارلے سٹریٹ میں صدام ملک کی بہن کے گھرکے دروازے توڑکرطلائی زیورات مالیتی 4 لاکھ روپے چوری کرلئے گئے،تھانہ پیرودھائی کے علاقہ مین پیرودھائی روڈپر دوموٹرسائیکل سوار محمد عرفان سے موبائل چھین کرلے گئے ،خیابان سرسیدمیں 2نامعلوم موٹر سائیکل سوار عمروقاص سے موبائل چھین کر فرار ہو گئے،تھانہ بنی کے علاقہ چاندنی چوک میں دوموٹرسائیکل سوار محمد سعید کاموبائل چھین کرلے گئے ،تھانہ صادق آبادکے علاقہ شمس آبادمیں موٹرسائیکل سوار محمد سعید سے موبائل چھین کرلے گیا،تھانہ صادق آبادکے علاقہ کری روڈپر نامعلوم موٹرسائیکل سوارقادس پرویز کا موبائل چھین کرلے گیا،رحمان آبادمیں نعیم کے بیٹے سے 2نامعلوم موٹر سائیکل سوار موبائل چھین کرلے گئے ،تھانہ کینٹ کے علاقہ میں راحت کیفے کے قریب محمد احمد کی والدہ کے ہاتھ سے دوموٹرسائیکل سوار پرس چھین کرلے گئے جس میں ساڑھے پانچ لاکھ روپے اور دو موبائل فون تھے ،تھانہ کینٹ کے علاقہ میں رضوان آرکیڈکے سامنے نامعلوم موٹرسائیکل والامحمد عثمان کی ہمشیرہ کاپرس چھین کرلے گیا جس میں موبائل اور 500 روپے تھے ،تھانہ ریس کورس کے علاقہ عابدمجیدروڈپر دوموٹرسائیکل سوار چن محبوب سے گن پوائنٹ پر 34ہزار روپے اور موبائل چھین کرلے گئے ،تھانہ وارث خان کے علاقہ ڈھوک کھبہ میں نامعلوم عورت خالدمحمود کے گھرسے موبائل چوری کرکے لےگئی ،تھانہ نیوٹاؤن کے علاقہ سکستھ روڈپردوموٹرسائیکل سوار مختاراحمد کاموبائل چھین کرلے گئے ۔