• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی کے مختلف علاقوں میں سرقہ بالجبر ،چوری ،نقب زنی اورراہ زنی کی وارداتیں

میرا شہر
اسلام آباد
14 جولائی ، 2022
راولپنڈی (سٹاف رپورٹر) راولپنڈی کے مختلف علاقوں میں سرقہ بالجبر ،چوری ،نقب زنی اورراہ زنی کی وارداتوں میں شہری 14موٹر سائیکلوں ،ایک رکشے ،طلائی زیورات ،موبائل فونز ،ملکی وغیرملکی کرنسی اوردیگراشیاء سے محروم ہوگئے ،تھانہ گنج منڈی کے علاقہ موہن پورہ میں دوموٹرسائیکل سواراسلحہ کی نوک پر ریحان جاوید سے موبائل فون چھین کر فرار ہو گئے،تھانہ گنج منڈی کے علاقہ کچاروڈپر دونامعلوم ملزمان گن پوائنٹ پرمحمد عمران کاموٹرسائیکل ،تھانہ رتہ امرال کے علاقہ ڈھوک حسومیں تین موٹرسائیکل سوار اسلحہ کی نوک پرمحمد عزیز سے 2 موبائل فون اور 20ہزار روپے چھین کرلے گئے ،تھانہ نیو ٹاؤن کے علاقہ کمرشل مارکیٹ میں الماس اقبال اپنے بھائی کے ساتھ موٹر سائیکل پر گھر جا رہی تھی کہ اچانک2نامعلوم موٹر سائیکل سوار اسلحہ کی نوک پر اس سے موبائل اور25سو روپے چھین کرفرارہوگئے ،تھانہ صادق آبادکے علاقہ سی بلاک میں دوموٹرسائیکل سوار اسلحہ کی نوک پر عمر الرشید سے 20ہزار500 روپے چھین کر فرار ہو گئے،تھانہ نصیرآبادکے علاقہ برٹش ہومزمیں رفاقت علی کی دکان سے دوموٹرسائیکل سوار گن پوائنٹ پرموبائل فون اور55ہزار روپے ،تھانہ دھمیال کے علاقہ گرجاروڈپر دوموٹرسائیکل سوار گن پوائنٹ پر محمدالیاس سے 40 ہزار روپے،آئرن کے ٹوکے مالیتی 10ہزارروپے اور دو موبائل چھین کرلے گئے ،تھانہ پیرودھائی کے علاقہ بنگش کالونی میں نامعلوم موٹرسائیکل سوار فہد کاموبائل چھین کرلے گیا،تھانہ نیوٹاؤن کے علاقہ ڈبل روڈپر دوموٹرسائیکل سوار محمد ضیاد خان سے موبائل چھین کرلے گئے ،تھانہ نیوٹاؤن کے علاقہ کمرشل مارکیٹ میں دوموٹرسائیکل سوار فرحت اعجاز کا پرس چھین کرلے گئے جس میں اس کاموبائل اور 27 ہزار روپے تھے ،تھانہ گوجرخان کے علاقہ میں دو موٹرسائیکل سوار اعجاز حسین سے موبائل چھین کر لے گئے، گوجرخان میں دوموٹرسائیکل سوار ولیدکیا نی کا موبائل چھین کرلے گئے ۔ تھانہ رتہ امرال کے علاقہ لوکوشیڈ کالونی میں طارق محمودکابکراچوری ہوگیا،تھانہ پیرودھائی کے علاقہ اڈاپیرودھائی میں جلا ل الدین کاموبائل چوری ہوگیا،تھانہ نیوٹاؤن کے علاقہ پنڈورہ میں محمد عمر کے گھرکے تالے توڑکر 65ہزارروپے اور لیپ ٹاپ چوری کرلیاگیا،تھانہ نیوٹاؤن کے علاقہ ڈبل روڈ پر حسنات احمد کے کمرے سے موبائل چوری ہوگیا، تھانہ نیوٹاؤن کے علاقہ میں نوازشریف پارک میں ٹکٹ لیتے ہوئے فرمان اللہ کی جیب سے موبائل چوری کرلیاگیا،تھانہ صادق آبادکے علاقہ مدینہ ٹاؤن میں حمزہ عباسی کے گھر کے تالے توڑ کر 50ہزار چوری کر لئے گئے ،تھانہ صادق آبادکے علاقہ النورکالونی میں نجیب الرحمان کاموبائل چوری ہوگیا،تھانہ صادق آباد کے علاقہ ڈھوک کالاخان میں محمد سلیم کےگھرسے دو موبائل چوری ہوگئے ،تھانہ صادق آبادکے علاقہ ڈھوک پراچہ میں محمد عاشق کے گھرسے 5لاکھ چوری کر لیے گئے،تھانہ ائرپورٹ کے علاقہ شاہ فیصل کالونی میں اسد اللہ اعوان کے گھر کے تالے توڑکر ایک موبائل ،5لاکھ روپے ، 2500 ڈالر اور 600 ریال چوری کرلیے گئے ،تھانہ دھمیال کے علاقہ قائداعظم کالونی میں وسیم خا ن کے گھرکے تالے توڑکر 9لاکھ روپے، طلائی زیورات 10تولہ، مکان کی رجسٹری، لائسنس پستول 30بور اور دیگر کاغذات چوری کرلئے گئے ،تھانہ روات کے علاقہ میں تنویر احمد کے سی این جی چک بیلی روڈ بگاشیخاں سے لوہے کا دروازہ مالیتی بیس ہزارروپے چوری کرلیا گیا، تھانہ روات کے علاقہ میں محمد اللہ کے دفتر سے ایک موبائل اور دولاکھ روپے چوری کرلیے گئے ۔ تھانہ نصیر آباد کو اقبال نواز نے بتایا کہ میں نے مویشی منڈی بھاٹہ چوک کی باؤنڈری وال کا ٹھیکہ لیا تھا، منڈی کا ٹھیکہ ختم ہونے پر میں نے اپنا سامان اکٹھا کیا تو سامان گنتی کرنے پر پتہ چلا کہ 45پائپ ، 125 جوائنٹ مالیتی6 لاکھ روپے غائب ہیں جوکوئی نامعلوم چور لے گیا ۔
اسلام آباد سے مزید