• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی ،اسلام آباد کے مختلف علاقوں سے سات لڑکیاں اغواء

میرا شہر
اسلام آباد
17 جولائی ، 2022
راولپنڈی (سٹاف رپورٹر)راولپنڈی ،اسلام آباد کے مختلف علاقوں سے سات لڑکیوں کو اغواءکرلیاگیا۔تھانہ سول لائنزکو غلام رسول نے بتایا کہ اس کے بھتیجے زین علی نے مدعی کی بیٹی (الف) عمر 18سال کو گھر سے اغواء کر لیا ۔ تھانہ ائرپورٹ کو نزاکت علی نے بتایاکہ میں قربانی کی غرض سے اپنے گائوں بسالی روات گیا میری بیوی اور بچے گھر پر موجود تھے اس دوران میریبیوی (ع)عمر 32سال غائب ہوگئی ۔۔تھانہ دھمیال کو شوکت خان نے بتایا کہ ذیشان عرف شانی نے اس کی بہو (ر) کو اغواء کر لیا ۔تھانہ لوہی بھیرکوبیربل نے بتایاکہ اس کی بیٹی کی (ص) کو حارث نے اغواکرلیا۔تھانہ گولڑہ کو روح امین نے بتایاکہ اس کی بیٹی (الف) کو سید امین اغواکر کے لے گیا۔تھانہ گولڑہ کوامین علی نے بتایاکہ اس کی بیٹی (س) کو مدعی کے بھائی محمدریاض نے اغواکرلیا۔تھانہ شہزادٹاؤن کو ساجد محمودنے بتایاکہ کرک سے اپنے کزن سجادکی بارات لے کر فراش ٹاؤن آئے ، ہمارے ہمراہ دلہاکی ہمشیرہ اورمیری سالی (ن) بھی تھی ،میری 23سالہ سالی کوکسی نے اغواکرلیا ۔دریں اثناءتھانہ صدربیرونی کو تنویر اسلم نے بتایاکہ اس کی بیٹی (ح) عمر 5سال کو کہکشاں کالونی میں گھر کے باہر سے طارق حسن اغواء کر کے ساتھ لے جا رہا تھا جس کو محلے داروں کی مدد سے قابو کر لیا۔
اسلام آباد سے مزید